web counter
LEXO PA REKLAMA!

SHKARKO APP

App Store
Google Play

E fundit!

x

“Pse Shqipëria nuk blen avionë zjarrfikës”/ Rama u përgjigjet kritikëve: Ka ca llogari që duhen bërë

13 Gusht 2025, 12:55, Aktualitet CNA

“Pse Shqipëria nuk blen avionë zjarrfikës”/ Rama u

Kryeministri Edi Rama u është përgjigjur të gjithë kritikëve, të cilët thonë se pse Shqipëria nuk blen avionë zjarrfikës.

Përmes një reagimi në platformën "X", Rama shkruan se ka disa llogari që duhen bërë dhe se zjarret e ditëve të fundit nuk janë assesi çështje e një, dy apo edhe tre avionësh.

Ndërkohë kryeministri e ka paralelizuar situatën e zjarreve në Shqipëri me atë në Turqi, Spanjë, Greqi apo Itali.

“Ka shpërthyer një debat pse nuk blen Shqipëria avionë zjarrfikës, ndërkohë që ka ca llogari që duhen bërë dhe zjarret e ditëve të fundit nuk janë assesi çështje e një, dy apo edhe tre avionësh! Dakord, mirë do të ishte t’i kishim, por…

Duke i siguruar të gjithë se kemi këto ditë mjete nga ajri më shumë se çdo vit më parë, falë flotës sonë dhe mbështetjes nga Mekanizmi Europian apo Emiratet e Bashkuara Arabe, i ftoj të gjithë të ngrenë një pyetje: Po fqinjët tanë, Greqia dhe Italia apo Turqia dhe Spanja, që po përcëllohen më keq se çdo vit tjetër kanë vallë mungesë avionësh?!

Ja një informacion bazuar në referencat e vetë shtypit grek për Greqinë për shembull:

Greqia ka një flotë ajrore totale prej 77 avionësh zjarrfikës; helikopterë janë pak a shumë 20; automjete të tjera afërsisht 3,500 dhe zjarrfikëse të të gjitha llojeve e funksioneve.

Pra, e thënë thjeshtë. Sa më shumë aq më mirë pa diskutim, por prapëseprapë kurimi i pasojave nuk i eliminon shkaqet, të cilat janë disa, janë njësoj për të gjithë shtetet që po i vuajnë zjarret këtë sezon (disa shumë më keq se ne meqë ra fjala) dhe janë shumë më komplekse sesa duken kur numëron avionët”, deklaron Rama./ CNA





Lajmet e fundit nga