web counter
LEXO PA REKLAMA!

SHKARKO APP

App Store
Google Play

E fundit!

x

Zjarri pranë Parkut të Gërmenjes/ Shpërthime nga minat, rrezik për efektivët

13 Gusht 2025, 08:43, Aktualitet CNA
Zjarri pranë Parkut të Gërmenjes/ Shpërthime nga minat,
Foto ilustruese

Nga informacioni i përditësuar marrë nga MZSH-Kolonjë dhe struktura rajonale e Agjencisë së Zonave të Mbrojtura, njoftojnë se zjarri i rënë pasditen e datës 11 gusht në drejtim të Parkut Natyror të Gërmenjes në territorin e Bashkisë Kolonjë, nuk ka përhapje më të zgjeruar nga mbrëmë, por mbetet ende aktiv dhe me risk, pasi era e favorizon.

Forcat po punojnë për të krijuar një perimetër parandalimi. Rreth 40 forca janë aktualisht në terren.

Shërbimi i bashkisë ka nisur skrep për të hapur rrugë, në mënyrë që të afrohen sa më shumë me mjete zjarrfikëse në sipërfaqen e prekur.

Por duke qenë se është zonë kufitare, ka shumë mina dhe dëgjohen herë pas here shpërthime, ndaj paraqet rrezikshmëri për efektivët e nuk mund të afrohen shumë në perimetrin e zjarrit.

Njëkohësisht, grupi xhenios që ka mbërritur mbrëmë nga Tirana, po shkojnë në vendngjarje për të bërë demontimin e disa minave të konstatuara në territor.

Ndërkohë, pala shqiptare është në komunikim edhe me palën greke për veprime të koordinuara./ CNA





Lajmet e fundit nga