web counter
LEXO PA REKLAMA!

SHKARKO APP

App Store
Google Play

E fundit!

x

Zjarret në Qarkun Shkodër/ Banesat jashtë rrezikut, situata nën monitorim

13 Gusht 2025, 10:39, Aktualitet CNA

Zjarret në Qarkun Shkodër/ Banesat jashtë rrezikut, situata

Sot, në territorin e Bashkisë Fushë-Arrëz, situata e zjarrit në fshatin Xath është paraqitur më e qetë, krahasuar me intensitetin e ditëve të mëparshme. Aktualisht banesat janë jashtë rrezikut, ndërsa në terren vijon puna për shuarjen e plotë të flakëve.

Forcat e angazhuara janë:

50 forca të ushtrisë me 2 mjete zjarrfikëse;

15 efektivë të MZSH-së me 2 mjete zjarrfikëse dhe 2 bota uji;

18 inspektorë të shërbimit pyjor;

30 persona nga administrata, shërbimet dhe njësitë administrative Blerim dhe Qafë-Mali.

Operacioni po zhvillohet me mbështetjen e Policisë së Shtetit dhe përfaqësuesve të AKMC-së, duke synuar vendosjen nën kontroll dhe shuarjen e çdo vatre aktive. Sot, falë punës së koordinuar, situata është në përmirësim dhe shpresojmë të arrihet izolimi i plotë brenda një kohe të shkurtër.

Në territorin e Bashkisë Shkodër, një vatër zjarri vijon aktive në fshatin Ura e Shtrejt, në lartësi të malit. Situata po mbahet nën monitorim të vazhdueshëm nga forcat në terren.

Bashkitë Malësi e Madhe, Vau i Dejës dhe Pukë nuk raportojnë probleme aktualisht./ CNA





Lajmet e fundit nga