web counter
LEXO PA REKLAMA!

SHKARKO APP

App Store
Google Play

E fundit!

x

Situatë alarmante nga zjarret/ Vijojnë aktive vatrat në Poliçan, Velçan, Skrapar

13 Gusht 2025, 09:24, Aktualitet CNA

Situatë alarmante nga zjarret/ Vijojnë aktive vatrat në

Situata nga zjarret në vend vijon të jetë alarmante. Sipas të dhënave, në zonën e mbrojtur të Rezervatit të Ballollit, zjarri ka marrë përmasa të mëdha dhe po shkon drejt pyllit.

Për të shuar flakët janë angazhuar një zjarrfikëse nga Poliçani dhe nga Dimali.

Po ashtu 6 punonjës të Zonave të Mbrojtura të Beratit, si dhe 30 efektivë të Forcave të Armatosura.

Në zonat e Poliçanit situata është në monitorim.

Zjarri në fshatin Velçan favorizohet nga era që ka fryrë edhe gjatë gjithë natës. Vatra e zjarrit ka një shtrirje të madhe. Gjatë natës është punuar për mbrojtjen e banesave. Për momentin nuk ka rrezik për banesat. Është e pamundur që ky zjarr të vihet nën kontroll me mjete rrethanore. Efektivët vazhdojnë pa ndërprerje punën. Situata në fshatin Velçan për shkak të terrenit është shumë e vështirë. Kërkohet ndihmë nga ajri për shuarjen e flakëve.

Nga ana tjetër vatra e zjarrit në fshatin Orizaj vijon dhe po digjen sipërfaqe të tjera me shkurre.

Për shuarjen e zjarrit janë angazhuar 6 zjarrfikëse dhe 2 mjete zjarrfikëse nga Skrapari, 5 forca vullnetare të fshatit, 5 forca nga shërbimi pyjor i bashkisë.

Ndërsa në Dimal dhe Kuçovë situata shfaqet e qetë./ CNA





Lajmet e fundit nga