web counter
LEXO PA REKLAMA!

SHKARKO APP

Sondazhi/ Kush e ka përgjegjësinë për situatën nga zjarret?

13 Gusht 2025, 14:56, Aktualitet CNA

Sondazhi/ Kush e ka përgjegjësinë për situatën nga

Shqipëria po digjet nga flakët. Prej ditësh pothuajse në të gjitha qarqet e vendit janë regjistruar vatra zjarresh.

Sipas raportimeve janë djegur banesa, janë evakuuar banorë nga fshatra dhe janë djegur sipërfaqe të mëdha toke, pyje etj.

Zjarri po rrezikon edhe trashëgimitë natyrore, ndërsa forca të shumta zjarrfikësesh janë angazhuar për të shuar flakët.

Ndërhyrjet për shuarjen e zjarreve po bëhen nga toka dhe ajri.

Një ditë më parë u shënua dhe viktima e parë nga zjarret në Shqipëri, një 80-vjeçar, i cili kishte ndezuar zjarr në kopshtin e banesës së tij dhe më pas humbi jetën pasi u asfiksua nga tymi.

Ende po vijon të jetë situata tejet alarmante në Delvinë, ku po digjen banesa dhe zjarri ka marrë përmasa të mëdha.

Ndërkohë në këtë situatë ka pasur edhe kritika ndaj qeverisë.

Kryeministri Edi Rama u është përgjigjur kritikëve për mungesën e avionëve zjarrfikës, ndërsa ka paralajmëruar se do të ndëshkohen maksimalisht ata që kanë ndezur zjarre qëllimisht.

Nga ana tjetër policia ka arrestuar disa persona të cilët kanë ndezur zjarre në zona dhe fshatra të caktuara.

Duke pasur parasysh këtë situatë dhe të gjitha reagimet, CNA ka zhvilluar një sondazh ku pyet qytetarët: Kush e ka përgjegjësinë për situatën e shkaktuar nga zjarret?

Poll

Ju keni mundësinë të jepni mendimin tuaj duke zgjedhur një nga alternativat e mëposhtme:

Qeveria

Individët

Nuk e Di

Jepni mendimin tuaj në sondazhin e mësipërm./ CNA





Lajmet e fundit nga