web counter
LEXO PA REKLAMA!

SHKARKO APP

App Store
Google Play

“Ditë sakrifice dhe krenarie”/ Rama për zjarret: Në gadishmëri për të përballuar situatën

13 Gusht 2025, 20:37, Aktualitet CNA

“Ditë sakrifice dhe krenarie”/ Rama për zjarret: Në

Kryeministri Edi Rama ka reaguar këtë mbrëmje lidhur me situatën e zjarreve në vend.

Përmes një postimi në rrjetet sociale, Rama e cilëson këtë të mërkurë një ditë sakrifice dhe krenarie në punën për shuarjen e flakëve.

Rama ka ndarë të dhëna nga operacioni i sotëm i forcave zjarrfikëse, teksa thekson gadishmërinë e institucioneve për të përballuar këtë situatë.

“Një ditë sakrifice dhe krenarie për të gjitha strukturat shtetërore, që vijojnë pa ndërprerje përpjekjet në terren për shuarjen e flakëve në të gjithë vendin

Gjatë 24 orëve të fundit: 34 vatra aktive, 13 të izoluara dhe të shuara

Në operacione janë angazhuar:

Dhjetëra mjete zjarrfikëse dhe trupa të Shërbimit të Mbrojtjes nga Zjarri dhe Shpëtimi në të gjitha bashkitë e prekura

Mbi 600 efektivë të Forcave të Armatosura, zjarrfikës, punonjës bashkiakë dhe forca vullnetare

5 helikopterë dhe 1 avion zjarrfikës Canadair i sjellë bujarisht nga miqtë e shtrenjtë italianë

Qindra mjete, përfshirë autoambulanca dhe mjete transporti për evakuimin dhe mbështetjen e banorëve

Vatra që kërkojnë vëmendje në vazhdim: Delvinë, Poliçan, Gramsh, Dropull, Finiq, Berat, Tepelenë dhe Bulqizë, ku forcat nga toka dhe mjetet nga ajri po punojnë pa u ndalur për mbrojtjen e jetës së qytetarëve dhe pronës.

Gatishmëria është maksimale dhe bashkëpunimi mes të gjitha strukturave shtetërore dhe mbështetja e partnerëve europianë dhe emiratas po vijon për të përballuar këtë situatë të vështirë”,-shkruan Rama./CNA





Lajmet e fundit nga