web counter
LEXO PA REKLAMA!

SHKARKO APP

App Store
Google Play

E fundit!

x

Festa e Birrës në Korçë/ Pikuli: Qytetarët dhe drejtuesit e mjeteve të tregojnë kujdes të shtuar

13 Gusht 2025, 19:58, Aktualitet CNA

Festa e Birrës në Korçë/ Pikuli: Qytetarët dhe

Shefi i sektorit të qarkullimit rrugor në DVP Korçë, Klement Pikuli ka garantuar sot se është përpilluar një plan i veçantë masash, teksa në qytet nis Festa e Birrës.

Në një deklaratë për mediat këtë të mërkurë, Pikuli theksoi se masat do të zbatohen me qëllim garantimin e rendit, të sigurisë publik dhe mbarëvajtjen e aktiviteteve të organizuara.

Pikuli u bëri edhe një thirrje qytetarëve dhe drejtuesve të mjeteve të tregohen të kujdesshëm.

"Sot fillon Festa e Birrës në qytetin e Korçës, e cila do të zgjasë deri në datë 17. Nga ana e DVP Korçë është përpiluar plani i masave, që do të zbatohet me qëllim garantimin e rendit dhe të sigurisë publike, dhe mbarëvajtjen e aktiviteteve të organizuara nga Bashkia Korçë. Gjatë kësaj periudhe, shërbimet e policisë së DVP Korçë, të mbështetur edhe nga Njësia e Sigurisë Publike Tiranë, si edhe nga Njësia Operacionale e Sigurisë Rrugore. Në bashkëpunim me Policinë Bashkiake, Policia Rrugore e Qarkut Korçë ka bërë të mundur bllokimin e qarkullimit të mjeteve në disa segmente rrugore, me qëllim lëvizjen dhe kalimin e lirë të këmbësorëve. Përfitoj nga rasti t'ju bëj thirrje drejtuesve të mjeteve, të zbatojnë rregullat dhe normat e kodit rrugor, të mos drejtojnë mjetin pasi kanë konsumuar pije alkoolike, të mos përdorin telefonin celular gjatë drejtimit të mjetit, të vendosin rripat e sigurimit për veten dhe për anëtarët e tjerë të bordit të mjeteve, të ruajnë distancën e sigurisë si edhe të zbatojnë normat e sjelljes së kodit rrugor. Duke iu falenderuar të gjithëve për mirëkuptimin, ju uroj ditë të qeta dhe festë të mbarë”,-tha Pikuli./CNA





Lajmet e fundit nga