web counter
LEXO PA REKLAMA!

SHKARKO APP

App Store
Google Play

Zgjidhen kryetarët e rinj të degëve të PD-së në Berat, Dimal dhe Skrapar

10 Mars 2026, 20:11, Aktualitet CNA

Zgjidhen kryetarët e rinj të degëve të PD-së në

Tre degë të Partisë Demokratike të Qarkut të Beratit, konkretisht ajo e Beratit, Dimalit dhe Skraparit kanë zgjedhur kryetarët e rinj. Kasion Hasimetaj është zgjedhur kreu i ri i degës së PD-së në Berat, Kozeta Protoduari në degën e PD-së në Dimal dhe Besnik Osmeni është kreu i ri i degës në Skrapar.

Deputeti Eno Bozdo përmes një postimi përgëzoi kandidatët e tjerë Erjon Likon, Florian Muhametaj dhe Ardit Begon për garën e tyre, të cilën ai e cilësoi si “shumë dinjitoze”.

“Dje, tre degë të Partisë Demokratike të Qarkut Berat, Dega e Beratit, Dimalit dhe Skraparit, zhvilluan nëpërmjet modelit “një anëtar, një votë”, zgjedhjet e tyre për drejtuesit e këtyre degëve. Demokratët folën me votën e tyre, në një proces shume demokratik dhe me pjesëmarrje shumë  të lartë. Dua të përgëzoj dhe t`u uroj punë të mbarë Kasion Hasimetaj, Kozeta Protoduarit dhe Besnik Osmenit. Dua gjithashtu të përgëzoj Erjon Likon, Florian Muhametaj dhe Ardit Begon për garën e tyre shumë dinjitoze. Një falënderim të madh për të gjithë anëtarësinë e Partisë Demokratike që mori pjesë në votim dhe dha një leksion të shkëlqyer demokracie.

Shumë punë na presin për të ardhmen. Strukturat e partisë duhet të forcohen, takimet me banorët duhet të jenë më të shpeshta dhe në mbështetje të halleve dhe problemeve të tyre. Propagandës së  Rilindjes duhet t`i përgjigjemi me aksion të fortë politik. Banorët e Qarkut Berat duhet të kuptojnë se Partia Demokratike është e vetmja forcë politike që mund të normalizojë vendin nëpërmjet qeverisjes së saj. Shqiptarët janë në pritje të zgjidhjes që PD do të afrojë. Koha e mashtruesve ka marrë fund! Është koha e atyre që vërtet e duan këtë vend, dhe e duan Shqipërinë si e gjithë Evropa”, thuhet në postimin e Bozdos. /CNA





Lajmet e fundit nga