web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore në Rrogozhinë/ Policia merr masat

22 Korrik 2023, 22:25, Aktualitet CNA

Zgjedhjet vendore në Rrogozhinë/ Policia merr masat

Policia e Shtetit është mobilizuar në gatishmëri të plotë për të siguruar një ditë zgjedhore pa incidente nesër në Bashkinë e Rrogozhinës.

Përmes një komunikate zyrtare blutë njoftojnë se punonjësit e policisë të angazhuar ditën e nesërme janë njohur dhe trajnuar për detyrat që kanë në këtë fazë deri në përfundim të procesit, si dhe janë pajisur me librin e xhepit për detyrat funksionale gjatë procesit zgjedhor.

“Punonjësit e Policisë të angazhuar për ruajtjen e objekteve zgjedhore, kanë marrë në ruajtje të gjitha objektet zgjedhore.

Secili punonjës policie është njohur dhe trajnuar për detyrat që ka në këtë fazë dhe deri në përfundim të procesit, si dhe është pajisur me librin e xhepit për detyrat funksionale gjatë procesit zgjedhor.

   Në Drejtorinë Vendore të Policisë Durrës dhe në Komisariatin e Policisë Kavajë, janë ngritur Grupet e Drejtimit për mbarëvajtjen e procesit zgjedhor si dhe menaxhimin e çdo lloj situate bazuar në planin e veçantë të masave.

Ndërkohë ka filluar funksionimi i aplikacionit "Monitorimi elektronik i shërbimeve të Policisë së Shtetit", i cili shfaq në kohë reale raportimet e strukturave në terren për sigurimin e rendit publik dhe të objekteve zgjedhore, gjatë procesit të votimit në territorin e Rrogozhinës.

Policia garanton qytetarët e Rrogozhinës së ka ndërmarrë të gjitha masat, që e drejta e tyre  kushtetuese për zgjedhjen e përfaqësuesve të pushtetit lokal, të ushtrohet e lirë, e qetë, e pacenuar dhe pa intimiduar prej askujt.”-thuhet në njoftimin e policisë./CNA.al





Lajmet e fundit nga