E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit To...

Lajm i hidhur/ Ndahet nga jeta mjeku i shquar, që la gjurmë në Shërbimin e Patologjisë dhe në Spitalin e Korçës

22 Korrik 2023, 19:03, Aktualitet CNA

Lajm i hidhur/ Ndahet nga jeta mjeku i shquar, që la gjurmë në

Spitali Rajonal Korçë ka ndarë lajmin e hidhur për ndarjen nga jeta të Dr.Ligor Shkrapi, mjek Alergolog dhe i Sëmundjeve profesionale, ish shef i shërbimit të Patologjisë, pranë Spitalit Rajonal Korçë ( 1982-2006 ), si dhe ish President i Urdhërit të Mjekut dega Korçë (2000-2006).

Shkrapi ka punuar si mjek Patolog në Spitalin e Korçës në vitet 1970-1975, më pas ka kryer specializime në degën Alergologji dhe Mjekësi profesionale.

Me punën e palodhur dhe kontributin e tij, me aftësitë organizative, karakterin e fortë dhe korrektësinë që e karakterizonte , ka lënë gjurmë të padiskutuara në shërbimin e Patologjisë dhe spitalin e Korçës në veçanti , por dhe në mjekësinë korçare.

“IN MEMORIAM

Me hidhërim të thellë njoftojmë sot ndarjen nga jeta të Dr.Ligor Shkrapi, mjek Alergolog dhe i Sëmundjeve profesionale, ish shef i shërbimit të Patologjisë, pranë Spitalit Rajonal Korçë ( 1982-2006 ), si dhe ish President i Urdhërit të Mjekut dega Korçë (2000-2006).

Dr. Ligor Shkrapi lindi në vitin 1941.

Përfundoi studimet në degën Mjekësi e Përgjithshme në vitin 1970. Ka punuar si mjek Patolog në Spitalin e Korçës në vitet 1970-1975, më pas ka kryer specializime në degën Alergologji dhe Mjekësi profesionale. Prej vitit 1982 emërohet shef i shërbimit të patologjisë deri në daljen në pension në vitin 2006.

Ai me punën e palodhur dhe kontributin e tij, me aftësitë organizative, karakterin e fortë dhe korrektësinë që e karakterizonte , ka lënë gjurmë të padiskutuara në shërbimin e Patologjisë dhe spitalin e Korçës në veçanti , por dhe në mjekësinë korçare.

Gjatë karrierës së tij ka botuar artikuj studimorë në revista shkencore si “Shoku anafilaktik”, “studimi i Asmës bronkiale në rrethin e Korçës”, etj. Gjithashtu është nderuar me medalje dhe urdhëra për shërbim të mirë të popullit.

Spitali Rajonal Korçe i shpreh ngushëllimet familjarëve, të afërmve, miqve dhe kolegëve të tij!”, thuhet në njoftimin nga Spitali Rajonal i Korçës./ CNA