web counter
LEXO PA REKLAMA!

SHKARKO APP

App Store
Google Play

E fundit!

x

“E premtja e zezë me 12 viktima”/ Berisha “shuplakë” Policisë së Shtetit

22 Korrik 2023, 15:14, Aktualitet CNA

“E premtja e zezë me 12 viktima”/ Berisha

Ish-kryeministri Sali Berisha ka reaguar në lidhje me ngjarjen e rëndë që ndodhi mbrëmjen e djeshme në Gramsh, ku në liqenin e Banjës u mbytën 4 persona.

Përmes një postimi në rrjetet sociale Berisha shprehet se kjo tragjedi do të evitohej në rast se organet përkatesë do ishin në krye të detyrës dhe vigjilente.

Ish-kryeministri shpreh ngushëllimet e tij për familjarët e viktimave dhe thekson se dënon me ashpërsinë më të madhe indiferencën e Policisë së Shtetit për sigurinë në vend, duke vënë në pah dhe ngjarjet e tjera tragjike ditën e djeshme që sollën 8 viktima.

“Një e premte e zezë me 12 viktima, si në një vend pa shtet.

Të dashur miq, dje ishte një ditë tragjike në ujrat shqiptare dhe jo vetëm në to. Në ujrat e liqenit të Banjës u mbutën Arben Zogu, 46 vjeç, me dy djemtë e tij, Rubensin Zogu, 19 vjeç dhe Estin Zogu 14 vjeç, si dhe kushëririn e tyre Melsi Zogu, 20 vjeç. Kjo tragjedi e madhe familjare, që ka tronditur thellë shoqerinë tonë ishte plotësisht e parandalueshme, në rast se do ushtroheshin përgjegjësitë shtetërore, për përdorimin e liqenit për qëllime turistike, plazhi dhe noti. Por shteti, për qytetarët nuk ekziston.

Duke shprehur ngushëllimet më të ndjera familjes dhe  banorëve të Gramshit, për këtë tragjedi të rëndë familjare, dënoj me ashpërsinë më të madhe indiferencën kriminale, për sigurinë në ujrat e vendit, që shprehet kudo dhe në të gjitha fushat, ndërsa dje ka patur edhe 8 viktima të tjera në ujra, rrugë, kabina elektrike etj. Sb”-shkruan Berisha./CNA.al





Lajmet e fundit nga