web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet takimi "kokë më kokë"/ Çfarë i kërkoi ambasadorja amerikane kreut të SPAK-ut

5 Janar 2023, 16:23, Aktualitet CNA

Zbardhet takimi "kokë më kokë"/ Çfarë i

Ambasada e SHBA-së në Tiranë ka zbardhur detaje nga takimi i diplomates Yuri Kim me kreun e ri të SPAK-ut, Altin Dumani.

Në njoftimin e ambasadës thuhet se Kim uroi Dumanin për postin e ri dhe ritheksoi mbështetjen e SHBA-së për Reformën në Drejtësi dhe rrugën e Shqipërisë drejt BE-së.

Gjithashtu, Kim i ka kërkuar Dumanit punë pa frikë apo favore për të luftuar krimin dhe korrupsionin e lartë.

"Ambasadorja Yuri Kim u takua sot me Kreun e ri të SPAK-ut, Altin Dumani, për ta uruar atë për postin e tij të ri drejtues. Ajo ritheksoi që Shtetet e Bashkuara do të vazhdojnë të mbështesin fort zbatimin e reformës në drejtësi, një kërkesë për aspiratat e Shqipërisë për t’u anëtarësuar në Bashkimin Europian. Në këtë drejtim dhe për të çuar përpara jetësimin e faktit që Presidenti Biden e ka identifikuar luftën kundër korrupsionit si interes thelbësor të sigurisë kombëtare të Shteteve të Bashkuara, ne do të mbështesim plotësisht prokurorët dhe hetuesit e SPAK-ut, teksa ndërtojnë mbi sukseset e deritanishme dhe intensifikojnë ndjekjen penale të korrupsionit të nivelit të lartë dhe krimit të organizuar, në përputhje me ligjin, pa frikë apo favore. Askush nuk është mbi ligjin", thuhet në deklaratë./ B.A. - CNA.al





Lajmet e fundit nga