Rikthimi i lojërave të fatit/ Zëvendësministri Hoxha: Deri tani i ka komanduar errësira

5 Janar 2023, 14:57, Aktualitet CNA

Rikthimi i lojërave të fatit/ Zëvendësministri Hoxha: Deri

Rikthimi i lojërave të fatit në mënyrë të kontrolluar është një temë e shumë debatuar.

Zëvendësministri i Arsimit dhe Sporteve, Endrit Hoxha, ka deklaruar se rikthimi i basteve sportive është një gjë shumë e mirë për sportin.

Nga studio e "MCN Live", Hoxha deklaroi se në opinionin publik dihet që nuk janë mbyllur ndonjëherë lojërat e fatit dhe se edhe pse me ligj u mbyllën.

Sipas tij ata janë kanë komanduar errësira.

“Duke qenë se sporti po bën arritje të jashtëzakonshme, kemi kampion bote në mundje, në atletikë, dhe këto fonde do shkojnë për sportin. Nuk mjafton ky buxhet për sportin, është parë shumë e rëndësishme hapja dhe rikthimi i lojërave të fatit. Bëmë dëgjesë të hapur me Kryeministrin, kanë qenë të përfshirë shumë aktorë.

Kjo nuk është hapje por mbyllje, nëse lojërat e fatit bëhen të ligjshme, kontrollohen individët, mbrohen qytetarët, fiton dhe sporti, kultura, rinia, por do të përfitojë dhe infrastruktura. Ajo që na është thënë nga Kryeministri, duhet të kemi kujdes që në draftim, pjesa më e rëndësishme është që këto para të shkojnë për sportin, se ligji ka qenë, por sporti ka marrë shumë pak.

Duhet të jemi në mbrojtje të konsumatorit, ligji nuk është se thjesht u hapën dhe kaq. Ne jemi në bisedime, por nuk ka dalë drafti final, se për sa kohë nuk është miratuar drafti në parlament, nuk di se sa të ardhura mund të jenë”, ka thënë Hoxha.

Sipas tij, vlen për t'u theksuar se gjithçka që flitet është për bastet "online" dhe nuk do të ketë salla të hapura.

Hoxha ka thënë se do të ketë dëgjesë publike, para se të miratohet ligji.

“Çdo gjë kërkon kohën e vet dhe çdo specialist i çdo fushe duhet të flasë për fushën e vet dhe mos të hamendësojë për pjesën e fushës tjetër. Këto të ardhura ku do të shkojnë, kjo është më e rëndësishmja”, ka thënë zëvendësministri.

Sipas Hoxhës, nëse nga bastet sportive janë mbledhur 50 milionë euro dhe për sportin nuk kanë kaluar as 50 mijë euro, por me rikthimin e basteve, të ardhurat nuk do i kalojnë Ministrisë së Financave por do kalojnë për sportin dhe se këto para do hyjnë në buxhet për sportin dhe rininë./CNA.al