“Debati me Ilir Beqajn”/ Tritan Kalo: Politika po riciklon në postet drejtuese militantët

5 Janar 2023, 09:22, Aktualitet CNA

“Debati me Ilir Beqajn”/ Tritan Kalo: Politika po riciklon në

Mjeku Tritan Kalo, ka folur për punësime nepotike apo me militantë të pushtetit, në drejtimin e dikastereve të shëndetësisë.

Kalo ka rikthyer në vëmendje një debat të vitit 2015 me ish-Ministrin e Shëndetësisë Ilir Beqja.

“Në debatet publike të vitit 2015 me ish-ministrin e Shëndetësisë së kohës I.B, këmbëngultazi kam theksuar ligjësimin e lejimit të konkurimit tranparent dhe jo politikisht të influencuar, vetëm e vetëm për herë të dytë në postet drejtuese të Shefave të Shërbimit në QSUT, Shefave të Departamenteve, të Drejtuesve në Dekanatet apo në Rektoratin e Universitetit Mjeksor të Tiranës….

Një mënyrë e tillë të sanksionohej me Ligjin Kushtetues se duhej të respektohej vetëm dy herë mandati, edhe përsa i përket të gjitha strukturave në të tre Pusht-shtetet: atë Legjislativ, atë Ekzekutiv dhe në atë Gjyqësor….”, shkruan Kalo në rrjete sociale.

Sipas tij, 10 vitet dymandatore janë mëse të mjaftueshme, për të jetësuar ato çka gjithkush ka paraqitur në platformat e tij të zgjedhjes në këto poste….

“Riciklimet e mëvonshme në poste të tilla, janë po aq pak dobiprurëse në ecurinë e të gjithë sektorëve socio-ekonomiko-politik të vëndit, sa edhe zgjatjet e mandateve drejtuese përtej dyherësit 2 x 4 ose 2 x 5 vite…..

Dijemarrësit e punëshumët jo militantë e të delezuar, jo me lidhje nepotike, jo konformistë por shumë e shumë atdhedashës mbrothësor, me mënyrën se si strukturat drejtuese të këtij vendi janë ngritur e funksionojnë, kurrë nuk do të munden të marrin pozicionet meritore dhe të ofrojnë maksimumin e dijenive dhe të aftësive të tyre profesionale për Nënë Loken Shqipëri….

Është kjo arsyeja kryesore përpos pagave 'të lakmueshme', që 'BRAIN DRAIN' një dukuri e tillë penguese për mbrothësimin e vëndit jo vetëm nuk do të ndalet, por përkundrazi ajo do të vijë duke u shtuar…..

E keqja më e madhe është e do të jetë fakti, që mediokriteti, militantizmi, e nepotizmi do të vijojnë të mbeten kryefjalë të qeverisjes së vendit, në të gjitha nivelet dhe në të gjitha hallkat e kësaj qeverisjeje…..”, shkruan më tej Kalo.

Mjeku i njohur jep alarmin se në këto 31 vite demokraci kemi mbetur në vend, për sa u përket zhvillimeve demokratike, ekonomike dhe politike, pikërisht falë këtyre politikave.

Sipas tij, kemi hyrë në proceset politike pluraliste, (PPP-ja plotësisht e dështuar e këtyre viteve), si vendi më i varfër në Europë dhe po aty ndodhemi edhe pas këtyre 31 viteve.

“Ndryshimet Kushtetuese të 21. 04.2008 janë mbështetja ligjore e frenimeve dhe moszvillimeve të jetës sonë, me sistemin antidemokratik partitokratik që këto ndryshime sanksionuan…..

Kemi mbetur në këto 31 vite demon-kracije në vagonin e fundit të trenit europian, përsa i përket zhvillimeve Demokratike, Ekonomike dhe Politike, falë pikërisht këtyre politikave….

Hymë në proçeset politike pluraliste, (PPP-ja plotësisht e dështuar e këtyre viteve), si vendi më i varfër në Europë dhe po aty ndodhemi edhe pas këtyre 31 viteve….

Trojet Arbërore me pasuritë e pafundme natyrore si dhe të burimeve cilësore njerëzore, nuk ka asnjë arësye objektive përse të ndodhen në këto nivele jo të lakmueshme…..Quo Vadis Shqipëria ime e këndej Drinit”, përfundon reagimin Kalo./CNA.al