web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Rexhep Ismailit/ Zhupa: Ishte një zë i fortë në mbrojtje të kauzave kombëtare

8 Maj 2026, 10:45, Aktualitet CNA

Vrasja e Rexhep Ismailit/ Zhupa: Ishte një zë i fortë në

Deputetja Ina Zhupa ka reaguar në lidhje me vrasjen e Rexhep Ismailit në Sarandë.

Përmes një postimi në rrjetet sociale, Zhupa shkruan se Partia Demokratike humbi një drejtues të strukturave të saj, një kontributor të palodhur dhe një bashkëpunëtor të vyer.

Zhupa theksoi se Rexhep Ismaili ishte një zë i fortë në mbrojtje të kauzave kombëtare.

Deputetja u bëri thirrje institucioneve ligjzbatuese, Policisë së Shtetit dhe Prokurorisë, të veprojnë me përgjegjësi të plotë për zbardhjen sa më të shpejtë të kësaj vrasjeje dhe vënien e autorëve përpara drejtësisë.

“E tronditur thellë nga lajmi për vrasjen e Rexhep Ismailit. Një njeri me vlera dhe një patriot i përkushtuar.

Partia Demokratike humbi një drejtues të strukturave të saj, një kontributor të palodhur dhe një bashkëpunëtor të vyer. Rexhepi drejtonte gjithashtu shoqatën “Çamëria” dhe ishte një zë i fortë në mbrojtje të kauzave kombëtare.

Kjo ngjarje e rëndë ka sjellë dhimbje dhe tronditje te të gjithë ne që e njohëm.

Pres që institucionet ligjzbatuese, Policia e Shtetit dhe Prokuroria, të veprojnë me përgjegjësi të plotë për zbardhjen sa më të shpejtë të kësaj vrasjeje dhe vendosjen e autorëve përpara drejtësisë.

Ngushëllimet më të sinqerta familjes, të afërmve dhe gjithë atyre që e njohën dhe e vlerësuan Rexhep Ismailin.

U prehtë në paqe”, shkruan Zhupa./ CNA





Lajmet e fundit nga