web counter
LEXO PA REKLAMA!

SHKARKO APP

App Store
Google Play

Vrasja e Pjerin Xhuvanit/ Skandal, si po zvarriten seancat gjyqësore

28 Shtator 2022, 11:31, Aktualitet CNA

Vrasja e Pjerin Xhuvanit/ Skandal, si po zvarriten seancat gjyqësore

Shtyhet sërsish seanca gjyqësore për Arbër Paplekajn, i cili dyshohet për vrasjen e Pjerin Xhuvanit në datë 21 prill 2021. Përballja e tij me drejtësinë po shtyhet për herë të pestë me një motivacion tashmë tejet banal. 

Këtë herë shkaku për shtyrjen e seancës është njoftuar përmes një e-maili ku Drejtoria e Përgjithshme e Policisë, nuk zotëron kapacitetet e nevojshme për të transportuar Paplekajn në ambientet e gjykatës. 

Sakaq, avokati i Paplekajt është shprehur se klienti i tij ka bërë kërkesë që të jetë prezent në gjykatë, por seanca dështoi sërish. 

Ju rikujojmë se ngjarja ka ndodhur më 21 prill të vitit 2021, ku gjatë një përplasjeje ndërmjet dy grupimeve politike në Elbasan në një kohë zgjedhore, ku mbeti i vrarë mjeku Pjerin Xhuvani, aso kohe eksponent i Partisë Socialiste. Ndërkohë, 4 persona të tjerë mbetën të plagosur, bashkë me ta edhe një punonjëse policie. 

Pas ngjarjes së rëndë, autori Arbër Paplekaj aso kohe shoqërues i drejtuesit politik të PD në Elbasan (Gazmend Bardhi), u vetëdorëzua në polici. Paplekaj ka qenë, ish-efektiv i RENEAS, ndaj qarkullonte në Elbasan i armatosur si pjesë e strukturës për mbrojtjen e votës, strukturë e cila ishte ngritur nga PD-ja në të gjithë vendin./CNA.al





Lajmet e fundit nga