web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e nipit të biznesmenit në Fier/ Policia jep detaje: Pati shkëmbim zjarri, e ekzekutuan 2 vëllezërit

8 Dhjetor 2023, 14:46, Aktualitet CNA
Vrasja e nipit të biznesmenit në Fier/ Policia jep detaje: Pati
Foto nga vendngjarja

Policia ka dhënë detaje lidhur me vrasjen e nipit të një biznesmeni në Fier.

Është bërë me dije se ka pasur shkëmbim zjarri mes autorit dhe viktimës si dhe në vrasje janë përfshirë 2 vëllezër.

Ngjarja ndodhi një ditë më parë në lagjen “16 Prilli”, Fier.  Nga një automjet tip “Benz”, nga krahu i pasagjerit, është qëlluar me armë zjarri në drejtim të automjetit tip “Fuoristradë” e cila drejtohej nga shtetasi E. J., 41 vjeç.

Pas këtij veprimi, shtetasi E. J., ka qëlluar disa herë me armë zjarri pistoletë në drejtim të automjetit tip “Benz”. Si pasojë e shkëmbimit të zjarrit, mbeti i vrarë shtetasi E. J., 41 vjeç.

Nga hetimet u zbulua se autorët që udhëtonin me automjetin tip “Benz” janë shtetasit A. G., 35 vjeç dhe K. G., 33 vjeç(vëllezër), të cilët janë shpallur në kërkim dhe po punohet intensivisht për kapjen dhe vënien e tyre përpara përgjegjësisë ligjore.

Nga këqyrja e vendit të ngjarjes, në afërsi të automjetin tip “Fuoristradë”, u gjet 1 armë zjarri pistoletë me numër trupi të paidentifikuar u sekuestrua në cilësinë e provës materiale.

Motivi i kësaj ngjarjeje kriminale dyshohet një konflikt i nisur disa kohë më parë midis shtetasit A. G. dhe shtetasit E. J. për motive të dobëta.

Në drejtimin e Prokurorisë vijon puna hetimore për sqarimin e rrethanave të kësaj ngjarjeje dhe mbledhjen e te gjitha provave për dokumentimin e plotë të saj./ CNA





Lajmet e fundit nga