web counter
LEXO PA REKLAMA!

SHKARKO APP

App Store
Google Play

E fundit!

x

"Aty janë mamuthët!"/ Artan Hoxha tregon kush i kontrollon lojërat e fatit, ka lidhje me Vis Martinajn

8 Dhjetor 2023, 13:53, Aktualitet CNA
"Aty janë mamuthët!"/ Artan Hoxha tregon kush i kontrollon
Gazetari Artan Hoxha

Gazetari Artan Hoxha ka folur lidhur me lojërat e fatit.

Në një intervistë u shpreh se bastet e paligjshme i kontrollojnë ata që "rrëzuan" Ervis Martinajn, i cili konsiderohej si mbreti i lojrave të fatit.

Ai thotë se lojërat e fatit nuk janë më të dukshme si më parë e ndaj vetëm mamuthët mund të futen kudo.

“Njëri nga elementët është operacioni policor, që brenda pak ditësh janë kontrolluar shumë lokale, rreth 1100, mijëra vetë të kontrolluar, etj. Janë futur brenda rreth 120 veta. Deri në gusht të 2022, kur u zhduk Ervis Martinaj që quhej 'mbreti' i lojërave të fatit, doli kryeministri dhe tha do ta legalizojmë. Sot dëgjova Komisionin Parlamentar, ku u fol për lojërat e fatit. Sot nuk është më e dukshme si në çdo cep të pallatit, ku punësoheshin 16 mijë veta, sot nuk funksionon më në mënyrë të dukshme, por bëhet nëpërmjet celularit. Që të operosh duhet së pari të kesh garanci financiare. Nuk futet dot kushdo atje, hyjnë vetëm mamuthët, sepse ndryshe nuk përballon dot lojtarët. Nuk mund të funksionojë industria e paligjshme e kumarit, pa bashkëpunim me autoritetet, sepse do të shtrihesh në territor. Në gusht 2022, kryeministri premtoi që krimit do t’ia heqim nga duart këtë. Por, krimi vijon ta ketë. Edhe pas operacionit sot kanë vijuar, por në mënyrat ilegale. Problemi është, këtë industri do ta marrësh ti dhe të paktën të punësohen njerëz e të merren taksat, apo të vijojë ta ketë krimi", tha Hoxha. 

Sipas Hoxhës, "call center"-at e lojërat e fatit, kanë qenë dy nga burimet se si korruptohej policia.

“'Call center', lojërat e fatit, kanë qenë dy nga burimet se si korruptohej policia. Nuk mund të mbahej 'call center' hapur pa e pasur mirë me drejtuesin e policisë, që kontrollon territorin. Po kështu për lojërat e fatit. Sasia e parasë që qarkullon është e konsiderueshme. Kanë një vit që e sorollasin ligjin. Nëse para një viti e gjashtë muajsh, Rama tha që industrinë e kumarit e kontrollon krimi i organizuar, sot jemi në të njëjtën situatë. Vijon ta kontrollojë krimi, nuk është më Vis Martinaj, por janë disa më të fortë, ata që e rrëzuan Visin", u shpreh gazetari./ CNA





Lajmet e fundit nga