web counter
LEXO PA REKLAMA!

SHKARKO APP

App Store
Google Play

E fundit!

x

I akuzuar për vrasje dhe trafik droge/ SPAK kërkon ekstradimin e Ismail Zenelit

8 Dhjetor 2023, 13:41, Aktualitet CNA
I akuzuar për vrasje dhe trafik droge/ SPAK kërkon ekstradimin e
SPAK

Prokuroria e Posaçme ka dorëzuar në Ministrinë e Drejtësisë kërkesën për ekstradimin nga Spanja të Ismail Zenelit. Zeneli është një nga personat e shpallur në kërkim nga SPAK-u, të grupit ku u arrestua edhe Erzen Breçani.

Prokuroria e Posaçme e akuzon Zenelin se është personi që donte të vriste vëllezërit Nela për hakmarrje, pasi besonte se në vitin 2013 i kishin vrarë në sy të tij, vëllain me emrin e ndryshuar, Xhem Krasniqi. Krimi i rëndë kishte ndodhur në Britaninë e Madhe. 

Ndërkohë Prokuroria e Posaçme e akuzon Zenelin edhe per trafik ndërkombëtar të lëndëve narkotike, pasi ai del i përfshirë në disa episode të trafikut të zhvilluar nga anëtarët e këtij grupi.

Sipas SPAK-ut, përfshirja e Zenelit në trafikun e kokainës është faktuar në dy episode të ndodhura në janar dhe në shkurt të vitit 2021. Në rastin e parë autoritetet sekuestruan 446 kg kokainë në Holandë dhe në rastin e dytë 69 kilogramë kokainë në Brazil.

Lëvizja e kokainës bëhej nga Amerika e Jugut nëpërmjet kontejnerëve frigoriferikë, të cilët transportonin mish ose lëng limoni të koncentruar./CNA

 





Lajmet e fundit nga