web counter
LEXO PA REKLAMA!

SHKARKO APP

App Store
Google Play

“Pak lidhje kam me Napoleon Bonapartin”, Berisha i jep shpjegime Gjergj Lucës

8 Dhjetor 2023, 13:26, Aktualitet CNA
“Pak lidhje kam me Napoleon Bonapartin”, Berisha i jep shpjegime
Sali Berisha dhe Gjergj Luca

Ish-kryeministri Sali Berisha ka komentuar deklaratën e bërë nga biznesmeni Gjergj Luca, ku ky i fundit u shpreh se është "Napoleoni që shkretoi Shqipërinë". 

Në një emision televiziv, Berisha është shprehur se nuk është diktator si Napoleon Bonaparti, por ka lënë një trashëgimi politike të përsosur. Ai ka theksuar se me Bonapartin përveç gjakut shqiptar, shumë pak gjëra e lidhin. 

“Napoleoni ishte diktator, unë lashë një trashëgimi politike të përsosur. Me Napoleonin, përveç gjakut shqiptar, shumë pak më lidh. Napoleoni la ligje, por duhet ta pranojmë, ishte diktator. Kjo është arsyeja pse francezët e kanë atë thyerje. Por De Gaulle, jo. Ai ishte demokrat dhe bëri largim dinjitoz. Tani nuk po krahasoj veten me De Gaulle unë. Por flasim për ndryshimet, ja e nisi Papandreu, por ngeci...”, tha ndër të tjera Berisha.

Pak ditë më parë biznesmeni dhe sipërmarrësi, Gjergj Luca, ironizoi kreun e PD-së, duke e konsideruar atë si njeriun, i cili shkretoi Shqipërinë. Në një video të publikuar në rrjetet sociale, ai tha se njerëzimi tani duhet që të zbulojë "Napoleonin tonë"./CNA

 

 





Lajmet e fundit nga