web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Luca viziton Thaçin në Hagë/ Mesazhi i fortë për politikën e Kosovës dhe rininë: Hiqni dorë nga fedualizmi bolshevik

4 Nëntor 2023, 20:48, Aktualitet CNA
Gjergj Luca viziton Thaçin në Hagë/ Mesazhi i fortë
Sipërmarrësi dhe biznesmeni Gjergj Luca

Sipërmarrësi dhe biznesmeni Gjergj Luca ka vizituar ish Presidentin e Kosovës Hashim Thaçin, i cili po gjykohet në Hagë për krime lufte.

Biznesmeni tregoi se Hashim Thaçi dhe shokët e tij ishin më të fortë se kurrë dhe më optimistë se kurrë.

Sipërmarrësi Gjergj Luca nënkuptoi përmes fjalës së tij para gazetarëve se Thaçi po akuzohet padrejtësisht.

"Sot takova një njeri që po gjykohet për krime lufte dhe me të thënë të drejtën hyra për ti dhënë optimizëm dhe gajret dhe me të thënë të drejtën kishte aq shumë optimizëm, aq shumë jetë, aq shumë forcë sa unë dola i trishtuar dhe lashë burra të fortë aty brenda që kishin energji pafund dhe pozitivitet pa fund . Edhe atë burrin që takova aty brenda është një burrë që akuzohet për krime lufte dhe “krimet” më të tmerrshme që ka bërë janë firmosja e Rambujesë që i hapi rrugë bombardimit të NATO-s dhe tjetra që ka qenë më e “tmerrshme” se e para është se ai burrë ka qenë kryeministri i Kosovës dhe ka firmosur Pavarësinë e Kosovës.

Këto dy ishin krimet e “tmerrshme” dhe sigurisht që krimit tjetër është që organizoi luftën Çlirimtare të UÇK bashkë me shokët e tij dhe tani po gjykohet për të parë a ka prova apo jo për atë luftë që i ka dalë për zot gjysmës së kombit dhe gjysmës së shpirtit tonë", tha Luca.

Por biznesmeni njihet dhe si një nga kritikët më të mëdhenj të politikës dhe këtë herë nga Haga me nota revolte Luca përcolli një mesazh për politikën e Kosovës si dhe të rinjtë.

"Çdo e mirë dhe çdo përpunim që i bëhet shpirtave njerëzorë bëhet nga politika. Dhe do kisha dëshirë që nga ky vend nga ku unë po dal të kisha mundësi të jepja një mesazh për politikën e Kosovës për mënyrën se si i ushqejnë masat dhe njerëzit e tyre dhe nëse para ca ditëve në Tiranë kam dalë dhe kam thënë mbaroi përfundimisht etapa i feudalizmit Bolshevik unë mendoj që në Prishtinë për këta liderë që kemi më të gjallë se kurrë feudalizmin bolshevik.

Politika juaj sillet në mënyrë bolshevike me historinë e Kosovës, me njerëzit që ndryshojnë Kosovën, që punojnë ditë natë dhe sillen në mënyrë bolshevike duke krijuar hendekun e luftës mes të aftëve dhe të paftëve.

Gjithë ai eksod i atyre burrave dhe familjeve që kanë arsh me mbrojt familjet e tyre , fëmijët , pleqtë dhe brekët e grave dhe nuk janë kthyer në Kosovë pas këtyre burrave për me luftu që u kanë dalë zot shtëpive të tyre, për t’i ruajtur dhe ata burra që kanë ruajtur shtëpitë e tyre si i kanë rritur këta fëmijë që kanë qenë 2-3 vjeç dhe sot janë 20-30 vjeç? Ku është rinia e Kosovës? A e din se kush e  ka bërë atë luftë? A e di se kush i ka ruajtur shtëpitë?

A e dinë se kush ka sakrifikuar që ata njerëz sot të bërtasin “o sa mirë me qenë shqiptar”.

Si është më mirë të bërtasësh “o sa mirë me qenë shqiptar” në stadium apo këtu para kësaj gjykate dhe për tu thënë se këta na kanë mbrojtur shtëpitë, vatanin.

Ku janë ata për mos me i prit ata gjyqtarë çdo mëngjes kur vijnë në seanca me lule dhe për t’i thënë a është turp kjo që bëni për kombin tonë? Ku është ajo rini që thonë kombi me rininë më të fortë dhe moshën më të re?

Ku janë? A ka turp më të madh? Shoh ca burra të fortë e të motivuar aty brenda që më kanë nxjerrë gjithë optimizmin" vijoi më tej sipërmarrësi. 

Gjergj Luca u ka bërë thirrje dhe ka paralajmëruar politikën e Kosovës që të heqin dorë nga feudalzimi Bolshevik se do të shkatërrojnë rininë dhe kombin.

“Kujdes se fedualizmin bolshevik që te ne mbaroi para dy javësh tani jeni duke e gëzuar ju.

Hiqni dorë nga ai feudalizëm bolshevik se do të shkatërroni gjithë rininë dhe kombin .”, e mbylli deklaratën e tij Gjergj Luca./ CNA





Lajmet e fundit nga