web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Nezir dhe Gentian Beqirit/ SPAK-u kërkon burg përjetë për Ardian Çapjan dhe Olsi Lekun

17 Shkurt 2023, 15:47, Aktualitet CNA

Vrasja e Nezir dhe Gentian Beqirit/ SPAK-u kërkon burg përjetë

SPAK-u ka kërkuar burgim të përjetshëm për Ardian Çapjan dhe Olsi Lekun në lidhje me vrasjen e Nezir dhe Gentian Beqirit në vitin 2012.

Gjithashtu Prokuroria e Posaçme ka kërkuar 25 vite burg për Florenc Çapjan, 20 vite për Klajdi Dokolin dhe Etin Canin, si dhe 6 vite për Ervis Bardhin.

Këta persona akuzohen si organizatorë të vrasjes së ndodhur në gusht të vitit 2012 brenda banesës së viktimave në Elbasan.

Gentian Beqiri u ekzekutua me armë gjatë kohës që ishte në “Arrest shtëpie” pasi pësoi një dëmtim në shtyllën kurrizore, për shkak të një tentative arratisjeje nga qelitë e paraburgimit.

Ai vuante dënimin për vrasjen e Sokol Çapjas, por ndonëse banesa e tij ruhej nga dy policë, autorët kanë hyrë brenda saj dhe kanë kryer krimin.

Prezent ka qenë babai i paralizuar i viktimës, i cili ndërroi jetë pas të birit. Sipas ekspertizës mjeko-ligjore, babai i Gentian Beqirit, e humbi jetën si pasojë e ushtrimit të dhunës nga autorët./ B.A. – CNA.al 





Lajmet e fundit nga