"Bojkotoni Ramën"/ Berisha, thirrje mediave: Do të përballeni me protesta

17 Shkurt 2023, 13:15, Aktualitet CNA

"Bojkotoni Ramën"/ Berisha, thirrje mediave: Do të

Kreu i PD-së, Sali Berisha, u ka bërë thirrje mediave që të bojkotojnë Ramën, mos t’i japin hapësirë.

Ai ka paralajmëruar se do të ketë protesta në mediat që do të ftojnë Ramën.

“Nuk vjen në parlament për t’u ballafaquar, por shkon në studio.

U bëj thirrje gazetarëve, mos pranoni në studio një njeri që shkel ligjin dhe Kushtetutën e vendit.

Mos e bëni studion në refugjio. Ju garantoj se do montohen protesta të fuqishme kudo që të shkojë në studio.

Unë nuk jam për të mos i dhënë të drejtën e fjalës, por të vijë të flasë në parlament, të kryesojë mbledhjet e qeverisë.

Kudo që të shkojë, kudo që të shkelë, ne do bëjmë protesta!

Nuk merret ky, është njëlloj si të merret në studio një kriminel që nuk shkon para drejtësisë.

Thirrje medieve: asnjë hapësirë, bojkotojeni! Ky po bojkoton parlamentin, po bojkoton qeverinë.

Unë e kam me sinqeritet këtë thirrje, ne do protestojmë gjithë kohën që ai do jetë në studio.

Nga shkoi dje, nga 'ABC' u fut, nga mbrapa. Do marrim masa dhe nuk do futet dot”, është shprehur Berisha.

Më tej Berisha ka komentuar deklaratat e Ramës në emisionin "Opinion".

“U tha medieve amerikane që janë kazan si 'Nju Jork Post', por tha se serioze janë 'Uashington Post' dhe 'Nju Jork Tajms'.

Akuzën më të rëndë ndaj Edi Ramës e ka bërë gazeta më e madhe amerikane sot, 'Uashington Post'.

Kjo gazetë thotë: 'McGonigal ka qenë i zhytur deri në fyt në një pakt sekret me Edi Ramën'.

Gazeta vazhdon, se Charles McGonigal ka marrë para për të çuar përpara interesat e kryeministrit shqiptar.

Ka ky sy për të lexuar? E mashtron Fuga. Është i shpërqendruar. Po jeton ditët e fundit në pushtet.

Ky artikull i kësaj gazete është botuar fjalë për fjalë në gazetën e Pentagonit, 'Stars and Stripes'.

Sikundër gazeta tjetër e madhe, 'Nju Jork Tajms', thotë se McGonigal ndërmori hapa në dobi të këtij politikani, e ka fjalën për Edi Ramën”, ka thënë më tej kreu i PD-së.

Ndër të tjera, Berisha ka dënuar mbrojtjen që Rama i bëri mbrëmë McGonigal.

“Pyetjes së gazetarit se çfarë donte ai që të shtrohej me mish e pilaf në mejhanet e Tiranës, ai i përgjigjet se ajo është puna e tij në FBI.

Pra, mishi dhe pilafi i mejhaneve të Tiranës privatisht duke zhvatur gjobat. Pra, kundërshtoi në mënyrën më absurde gjobëvënien e tij.

Të gjitha mediat e botës e thonë, ia tha edhe gazetari.

Pra, për çfarë e përdori intervistën? Për të mbrojtur veten dhe McGonigal, që ka tradhtuar vendin e vet. Që ka përdorur agjencinë për qëllime private, që ka prerë gjoba.

Ndaj për të gjitha këto, komisioni është jetik. Ne do krijojmë komision dhe McGonigal është në burg, edhe Edi Rama do shkojë në burg.

McGonigal është në burg për çështjen e Shqipërisë, për atë tjetrën e kanë nxjerrë në lirim.

Edi Rama nuk mund të rrijë. Ndaj u bëj thirrje qytetarëve të bashkohemi për t’u ndarë me këtë të keqe të madhe sa më shpejt”, ka thënë Berisha./CNA.al