LEXO PA REKLAMA!

SHKARKO APP

Shehaj nxjerr pamjet/ “Rama po përdor policinë si kamzhik kundër kundërshtarëve”

17 Shkurt 2023, 14:28, Aktualitet CNA

Deputeti i PD-së, Agron Shehaj, ka reaguar lidhur me bllokimin e biznesit të tij.

Shehaj shkruan në rrjetet sociale se policia e Ramës ka terrorizuar punonjësit dhe i ka nxjerrë jashtë me forcë, pa asnjë urdhër apo vendim gjykate.

Deputeti thekson se Policia e Shtetit me urdhër të kryeministrit Rama, po përdoret si kamzhik kundër kundërshtarëve politikë.

Agron Shehaj thekson se nuk do ndalet, teksa ka publikuar dhe pamjet e asaj çfarë ka ndodhur brenda biznesit të tij.

“Për herë të katërt, pa asnjë urdhër dhe pa asnjë vendim gjykate, policia politike e Edi Ramës ka mësyrë sërish bizneset e mia duke terrorizuar dhe nxjerrë me forcë jashtë punonjësit.

Prej disa kohësh, sipërmarrjet e mia janë vënë nën sulmin e paligjshëm të policisë së shtetit, e cila me urdhër direkt të Kryeministrit përdoret si kamzhik kundër kundërshtarëve politikë.

Shikojini pamjet. Kjo është fytyra e regjimit sot.

Rama duhet ta ketë të qartë se unë nuk ndalem sepse besoj se kjo është opozita për të cilën ka nevojë vendi.

Do të vazhdoj të them të vërtetën dhe të denoncoj çdo aferë ku është përfshirë Kryeministri dhe qeveria si në rastin e kompanisë quackë të inceneratorëve, të Xhaçkës, Gjiknurit apo megaskandalit të Ramës në SHBA”, shkruan Shehaj.

Lajmet e fundit nga