E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

VIDEO/ Hoxha: Barbarët me motorsharrë kanë nisur "rrallimin" e Pyllit Orbital të Lalit

9 Janar 2025, 17:08, Aktualitet CNA

VIDEO/ Hoxha: Barbarët me motorsharrë kanë nisur

Artan Hoxha

“Barbarët me motorsharë”, kështu i ka cilësuar gazetari Artan Hoxha punëtorët e bashkisë së Tiranës, të cilët kanë nisur rrallimin e sipërfaqeve të tëra me ullinj në Pyllin Orbital të kryeqytetit.

Me anë të një postimi në rrjete sociale, Hoxha ka publikuar një video teksa shihen sipërfaqe të tëra bosh, me ullinj të prerë.

Hoxha tha se barbarët me motorrsharrë, po “zbardhin” lejet e ndërtimit të resorteve betonarme, firmosur nga kryetari largpamës.

Siç dihet nga i gjithë opinioni publik dëshira e lali Erit për të dalë në kamera si një njeri i devotshëm për punën dhe për interesat e qytetarëve, Hoxha nuk e ka lënë pa ironizuar edhe këtë fakt.

Ai tha se kur mbjellin nga bashkia 10 shkurre, kamera dhe regjia është në dispozicionin e tyre, por kur zhurma uluritëse e motorsharrës e cila jehon deri në zemër të Tiranës nuk dëgjohet nga askush.

"Pylli Orbital i Lalit, ka kohë që e ka kaluar një milionshin, prandaj ka filluar “rrallimi” duke rrafshuar sipërfaqe të tëra me ullinj 70-80 vjeçarë në atë që rahmet pastë cilësohej si kurora e gjelbër e Tiranës.

Barbarët me motorrsharrë, po “zbardhin” lejet e ndërtimit të resorteve betonarme, firmosur nga kryetari largpamës.

Në kronikat e mediave shohim 30 kamera, të cilat kujdesen të filmojnë largpamësin duke mbjellë 10 shkurre, ndërkohë zhurmën ulëritëse të motorrsharrës, e cila jehon deri në zemër të Tiranës nuk e dëgjon askush.

Për “fat” të barbarit me motorsharrë dhe betonuesve me ferman nga Bashkia, asnjë kamer nuk ndodhet vërdallë. Ato vijnë me urdhër në rresht për një, madje dhe me regji qëndrore, vetëm kur varrmihësit e pushtetit shfaqen me lopata në duar si ambjentalist të thekur.

Një kryeqytet i shurdhuar, si në gjumë letargjik që as sheh, as dëgjon, sesi po ja marrin frymën, ajrin, jetën, të sotmen dhe të ardhmen qejfllinjtë largpamës të betonit.

Një vit më parë, kur çmimi i vajit të ullirit ra ndjeshëm, dëgjova ministren e bujqësisë të ankohej, se shqiptarët kishin mbjellë më tepër ullinj se duhej.

Mesa duket motorsharra po ja lehtëson sadopak barrën edhe ministrisë së bujqësisë.

Kodrinat me dhjetera hektarë ullinj që po rrafshohen, janë ngjitur me kopshtin zoologjik dhe vazhdim i Kodres së Diellit.

Shumë shpejt, dielli i shkretë nuk do di së cilën kodër të betonuar duhet të zgjedh më parë…

Pas ullinjëve, radhen e ka shumë shpejt, kurora e vetme rrotull Tiranës me gështenja. Edhe aty qënkan firmosur lejet për resortet e betonit."/CNA