web counter
LEXO PA REKLAMA!

SHKARKO APP

App Store
Google Play

E fundit!

x

"Në 2030 do të përmbyset tregu i punës"/ Bregu: Profesionet e reja do të kenë bazë, teknologjinë e informacionit

8 Janar 2025, 19:33, Aktualitet CNA
"Në 2030 do të përmbyset tregu i punës"/ Bregu:
Majlinda Bregu

Ish-sekretarja e Përgjithshme e Këshillit për Bashkëpunim Rajonal (KBR), Majlinda Bregu ka publikuar listën e profesioneve që do të mbizotërojnë në tregun e punës në vitin 2030 sipas Forumit Ekonomik Botëror @worldeconomicforum.

Me anë të një postimi në "Facebook", Bregu shkruan se tregu i punës pas 5 vitesh nuk do të ketë nevojë për asistentë administrativë, sekretarë, arshivistë, nënpunës ligjorë, shoferë, punonjës në zyra postare etj.

Për shkak të vrullit teknologjik, Bregu thekson se të rinjtë rrezikojnë të ngelen të papunë për shkak të rritjes së kërkesës së personave me aftësi shumë të mira në IT.

"Forumi Ekonomik Botëror @worldeconomicforum ka botuar listën e profesioneve që do të mbizotërojnë në tregun e punës në 2030, duke nxjerr jashtë një pjesë të profesioneve të cilat në Ballkan e në Shqipëri zënë pjesën më të madhe të tregut.
Psh, ne 2030 nuk do të ketë nevojë për asistentë administrativë, sekretarë, arshivistë, nënpunës ligjorë, shoferë, punonjës në zyra postare etj.
Të gjitha thuajse profesionet e reja do të kenë në bazë,teknologjinë e informacionit.
Deri këtu, pak a shumë e dimë të gjithë.
Pyetja është:
“A jemi ne gati për këtë përmbysje të rregullave të derisotme të tregut të punës ku aftësitë teknologjike, mendimi kritik, janë gjithnjë e më të kërkuara?!”
Në rajon sot vetëm 2,6 % e të punësuarve janë specialistë IT.
Shpenzimet buxhetore për kërkimin dhe inovacionin janë 0,4% e PBB ndërsa në në 2023 vetëm 0,08 % të PBB,pra më pak se 0,1 % (OECD)
Në 2021 vetëm 34,5% e shqiptarëve sipas Bankës Botërore kanë bërë pagesa digjitale, fatkeqësisht ndër nivelet më të ulëta në rajon (61,7)%.
Shqipëria renditet në vendin e 21, mes 23 me një vlerësim total 36.37 pikë në 4 seksione (Talenti, Infrastruktura e IT-së, Ndikimi ekonomik dhe Mjedisi i Biznesit), më poshtë Kosovës dhe vendeve të tjera të Ballkanit.
Etj etj.
E thënë pak më shkurt,nga edukimi(ju kujtohen rezultatet e PISA); aftësimi digjital me vrull dhe afatshkurtër së pari për ata që rrezikojnë të ngelen pa punë për shkak të revolucionit teknologjk; mbështetja e qartë e sipërmarrjes dhe ‘start-up’ që sjellin risi për të tërhequr të rinjtë dhe ndalur emigrimin e tyre;skema mbështetje financiare për specialistët e IT-përfshi ata nga diaspora që duan të kthehen në atdhe jo vetëm për të votuar, -deri tek ndërgjegjësimi për rrezikun që na kanoset kur me yrysh të rinjtë orientohen drejt studimeve që përgatisin kryesisht nëpunës, janë thjesht të domosdoshme.
Nëse nuk duam që kur gjithë bota të jetë duke marrë e dhënë shërbime të gjithanshme sipas inteligjencës artificiale,ne të merremi me shfrytëzimin metodik të marrëzisë duke e lehtëbesuar zhvillimin në Instagram."

 

 





Lajmet e fundit nga