web counter
LEXO PA REKLAMA!

SHKARKO APP

App Store
Google Play

E fundit!

x

SPAK thërret Gent Sulën e NOA-s

9 Janar 2025, 11:05, Aktualitet CNA

SPAK thërret Gent Sulën e NOA-s

Biznesmeni Gent Sula, aksioneri i kompanisë “NOA” dhe një nga personat që i ka dhënë Ajola Xoxës, bashkëshortes së kryebashkiakut të Tiranës, Erion Veliaj, ambientet pa qira në qendër të Bllokut, një godinë ku kostoja mujore shkon rreth 25 mijë euro, është thirrur në SPAK.

CNA ka mësuar nga burime zyrtare se pas hetimeve intensive që po zhvillohen për pasurinë e kryebashkiakut dhe familjarëve të tij së fundi një nga personat që do të përgjigjet përballë prokurorëve është dhe Gent Sula.

CNA shpesh ka raportuar për këtë personazh jo të panjohur mediatik, i cili ka fituar një tender rreth 720 mijë euro në Bashkinë e Tiranës për performancën e këtij institucioni rezultatet dhe puna e të cilit ende nuk dihet, por një tender i dalë me flamur të kuq dhe me një prokurues të vetëm.

Gjithashtu më parë CNA ka raportuar për shkëmbimin e energjisë elektrike në kohën e krizës menjëherë pas luftës në Ukrainë ku nëpërmjet disa skemave të qarta Gent Sula merrte energji në kohën e pikut kur çmimi ishte 200 apo 300 euro dhe e kthente atë në orët e para të mëngjesit kur çmimi ishte jo më shumë se 30 euro.

Aferë kjo e zbuluar dhe nga KLSH, por e pahetuar ende nga SPAK-u.

CNA ka mundur të sigurojë nga burime zyrtare informacion se Gent Sula është një nga njerëzit që ka marrë përfitime nga Bashkia e Tiranës ndërkohë nga ana tjetër ka pasur marrëdhënie kontraktuale me Ajola Xoxën, bashkëshorten e kryebashkiakut të Tiranës, Erion Veliaj./ CNA





Lajmet e fundit nga