web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Kushtetueses për bordet/ Tabaku ngre pikëpyetjen

19 Prill 2023, 10:07, Aktualitet CNA
Vendimi i Kushtetueses për bordet/ Tabaku ngre pikëpyetjen
Deputetja Jorida Tabaku

Deputetja Jorida Tabaku ka reaguar pas vendimit të Gjykatës Kushtetuese për Bordin e çmimit të ushqimeve dhe karburanteve, ku u vendos që i pari të shfyqizohej plotësisht, ndërsa i dyti pjesërisht.

Tabaku e ka cilësuar bordin si komunist dhe bordin e oligarkëve që deri më tani për shkak të vendimeve abuzimeve dhe korruptive qytetarët kanë paguar 600 milionë euro taksa shtesë nga rritja e çmimit qe kanë shkuar te kompanitë dhe te buxheti i shtetit!

Në fund ajo ngre pikëpyetjen se pse Gjykata Kushtetuese ka marrë dy vendime të ndryshme në lidhje me bordet ku sipas saj janë e njëjta gjë.

“Vendimi i Gjykatës Kushtetuese, megjithëse i paplotë, i dha të drejtë një grupi prej deputetëve të PD në lidhje me bordin e karburanteve!

E kam quajtur që në fillim bordi komunist, bordi i oligarkëve sepse në fakt më pak sesa pesë kompani janë përfitues prej tij dhe është rasti unik në botë ku biznesi ulet me qeverinë e përcakton çmimin në kurriz të qytetarëve.

Prej vendimeve abuzive dhe korruptive të këtij bordi qytetarët kanë paguar 600 mln euro taksa shtesë nga rritja e çmimit qe kanë shkuar te kompanitë dhe tek buxheti i shtetit!

Ky biznes me krizën duhej patjetër ndërprerë menjëherë, ndërkohë që GJykata Kushtetuese vendosi se antikushtetues tek ky bord është afati kohor i papërcaktuar.

 Pra ia la në dorë qeverisë ta ndërpresë. Ndërkohë që për bordin e çmimit të ushqimeve me të njëjtën bazë, ligjore dhe me të njëjtin arsyetim në ngritje e gjeti plotësisht antikueshtetues ndërsa bordin e karburanteve e gjeti pjesërisht!

Unë nuk i kam sulmuar e nuk do t’i sulmoj kurrë gjykatat e prokurorët si ben rëndom shumica e politikës, por sot kushdo duhet të pyesë veten si ka mundësi që dy borde që janë krijuar me të njëjtën mënyrë, zbatojnë të njëjtën bazë ligjore, e janë firmosur nga të njejtët gjyqtarë në Gjykatën Kushtetuese jepen dy vendime të ndryshme.

Si mundet që dy pika uji të ngjashme të njëjta, Gjykata Kushtetuese i gjen të ndryshme?”, shkruan Tabaku në rrjetet sociale./ CNA.al





Lajmet e fundit nga