web counter
LEXO PA REKLAMA!

SHKARKO APP

App Store
Google Play

E fundit!

x

Kush është, sipas jush, Kampion i Bashkëpunimit Rajonal në Evropën Juglindore?/ Nominoni një më të preferuarin, deri më 17 maj 2023!

18 Prill 2023, 11:45, Aktualitet CNA
Kush është, sipas jush, Kampion i Bashkëpunimit Rajonal në
Foto ilustruese

Këshilli i Bashkëpunimit Rajonal dhe Ministria Federale për Çështjet Europiane dhe Ndërkombëtare të Republikës së Austrisë do të vlerësojnë një individ ose organizatë për kontribut në bashkëpunimin rajonal në Europën Juglindore, për vitin 2022.

Sarajevë/Vjenë – Këshilli i Bashkëpunimit Rajonal (RCC) dhe Ministria Federale për Çështjet Europiane dhe Ndërkombëtare të Republikës së Austrisë (BMEIA) kanë kënaqësinë t'ju ftojnë të nominoni të preferuarin tuaj për Çmimin “Kampion i Bashkëpunimit Rajonal, Dr Erhard Busek”.

Cili individ apo organizatë ka kontribuar në mënyrë të veçantë, sipas jush, në avancimin e bashkëpunimit rajonal në Europën Juglindore në vitin 2022, i udhëhequr nga vlerat dhe parimet evropiane? Nëse njihni dikë, tani është koha për të bërë nominimin!

Nominoni

Nominimet do të jenë të hapura deri më 17 maj 2023. Një juri e pavarur do të vendosë për fituesin; megjithatë, ka disa kritere që kandidatët duhet t'i plotësojnë, prandaj ju lutemi t'i lexoni ato me kujdes në LINK. Fituesi duhet të jetë i pranishëm në ceremoninë e dhënies së çmimeve për të marrë çmimin.

Fituesi i këtij titulli prestigjioz do të shpërblehet financiarisht në shumën prej 5.000 eurosh, të akorduar në ceremoninë e ndarjes së çmimeve që do të mbahet bashkë me Mbledhjen Vjetore të RCC në qershor të këtij viti; si dhe do të marrë sa më shumë vizibilitet për punën dhe kontributet e dhëna duke i bërë përpjekjet e tyre më të theksuara dhe më të rëndësishme.

Kampioni i Bashkëpunimit Rajonal është një çmim vjetor i inauguruar nga RCC në shkurt 2013, që shënon 5-vjetorin e organizatës. Në vitin 2022, në bashkëpunim me BMEIA, titulli i çmimit u ndryshua në Kampion të Bashkëpunimit Rajonal Dr Erhard Busek, duke nderuar pas vdekjes z. Busek, i cili ishte Koordinatori Special i Paktit të Stabilitetit për Europën Juglindore, paraardhësi i RCC, por edhe një mbështetës i vendosur i Ballkanit Perëndimor dhe avokat i zjarrtë i integrimit të rajonit në Bashkimin Europian.

Për më shumë informacion mbi kërkesat e kandidatëve, jurinë, afatin kohor të procesit të përzgjedhjes dhe informacione të tjera hyni tek-  Këshilli i Bashkëpunimit Rajonal | Kampion i Bashkëpunimit Rajonal Dr. Erhard Busek

https://www.rcc.int/news/809/who-is-in-your-opinion-champion-of-regional-cooperation-in-south-east-europe-nominate-one-by-17-may-2023

 

 





Lajmet e fundit nga