web counter
LEXO PA REKLAMA!

SHKARKO APP

E fundit!

x

Sondazhi/ Mbi 73% mendojnë se çështja e inceneratorëve është aferë korruptive

18 Prill 2023, 20:33, Aktualitet CNA
Sondazhi/ Mbi 73% mendojnë se çështja e inceneratorëve
Inceneratori i Tiranës

4 ditë më parë, City News Albania hapi një sondazh, ku pyeti shqiptarët se si e vlerësojnë çështjen e inceneratorëve.

Në këtë sondazh kanë marrë pjesë 685 qytetarë dhe shumica prej tyre e cilësojnë si aferë korruptive.

Konkretisht mbi 73% e tyre mendojnë se çështja e inceneratorëve është aferë korruptive.

Ndërkohë, 21% e personave që kanë votuar në sondazh mendojnë se inceneratorët janë një investim i duhur dhe 6% të tjerë nuk kanë një përgjigje për këtë çështje.

Përfaqësues të politikës dhe njerëz të medias e kanë cilësuar shpesh çështjen e inceneratorëve si aferën e shekullit, ndërsa duket se edhe shumica e shqiptarëve ndajnë të njejtin mendim.

Poll

Kujtojmë se SPAK ka kryer hetime për dy inceneratorët e Elbasanit dhe Fierit dhe po vijon të kryejë hetimet për inceneratorin e Tiranës.

Në lidhje me këtë çështje, sot kemi të arrestuar një ish-ministër, një ish-sekretar ministrie dhe disa zyrtarë, ndërsa janë shpallur në kërkim Stela Gugallja, Klodian Zoto, Giuseppe Ciaffaglione dhe Mirel Mërtiri, ky i fundit i cilësuar nga SPAK si “truri” i inceneratorëve./ CNA.al





Lajmet e fundit nga