web counter
LEXO PA REKLAMA!

SHKARKO APP

App Store
Google Play

Kryemadhi padit "Top Channel"-in/ Kërkon dëmshpërblimin prej 400 mijë eurosh

18 Prill 2023, 12:31, Aktualitet CNA
Kryemadhi padit "Top Channel"-in/ Kërkon dëmshpërblimin
Foto ilustruese

Deputetja e Partisë së Lirisë, Monika Kryemadhi, ka paditur në gjykatë "Top Channel"-in.

Kryemadhi u shpreh për mediat se ka kërkuar një dëmshpërblim prej 400 mijë eurosh, një vlerë e cila do të rritet nëse "Top Channel" vijon shpifjet, mashtrimet apo shantazhet ndaj saj. 

Deputetja ka deklaruar se "Top Channel" ka paraqitur dokumente të falsifikuara dhe ka mashtruar opinionin publik.

"Sot ndalova në Gjykatën e Tiranës për të dorëzuar një padi civile për shoqërinë 'Top Channel', e cila në mënyrë të vazhdueshme ka ushtuar denigrim, intimidim, mashtrim ndaj figurës time si person publik, si deputete, si politikane, si individ.

Sot dua të ngre një proces komplet tjetër jo vetëm për të sensibilizuar veten time në radhë të parë, por për të treguar edhe një herë që shoqëria jonë shqiptare ka nevojë që të ndryshojë mentalitetin për të mos qenë më pre e presioneve, intimidimeve apo shantazheve të shoqërive të caktuara të cilat kanë për detyrë të informojnë qytetarët, kanë për detyrë të informojnë opinionin publik, jo ta dezinformojnë, jo ta pasurojnë me dokumente fiktive, false, të manipuluara, por për të dhënë një mesazh të duhur për të cilën ka nevojë sot shoqëria shqiptare.

Ajo që unë dua të bëj të ditur që nëpërmjet kësaj padie civile dua të rikthejmë dhe të risjellim edhe një herë një mentalitet të ri dhe në fund të fundit edhe për të rikthyer dhe besimin te drejtësia. Sepse ka ardhur momenti që çdo gjë të shkojë sipas asaj procedure për të cilën ne kemi nevojë. Unë e kuptoj që është pak e vështirë, por dua që edhe sot mos të jenë më ata të cilët përdorin paratë publike për të paguar grupe të caktuara mediatike dhe për t’i përdorur ata për të luftuar dhe sulmuar kundërshtarët e tyre politikë.

Nesër do ta pasoj me një kallëzim penal për veprën penale që ka kryer shoqëria 'Top Channel' ndaj meje duke paraqitur dokumente të falsifikuara apo edhe duke ushtruar shantazh dhe duke manipuluar dhe mashtruar opinionin publik. Përveç kësaj kam kërkuar dhe një dëmshpërblim financiar për të cilën jam e bindur që i gjithë ky buxhet do të shkojë në shërbim të shumë gjërave të mira për të rinjtë dhe të rejat", tha Kryemadhi. 

Kjo padi vjen pas shkrimeve që "Top Channel" ka bërë ndaj Kryemadhit, duke pretenduar se ajo është financuar nga kompani ruse. / CNA.al





Lajmet e fundit nga