web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i "Kushtetueses" për Ballukun/ Reagon Këlliçi

6 Shkurt 2026, 22:31, Aktualitet CNA

Vendimi i "Kushtetueses" për Ballukun/ Reagon Këlliçi

Deputeti i PD-së, Belind Këlliçi ka reaguar për rrëzimin e ankimimit të qeverisë nga Gjykata Kushtetuese për pezullimin e Belinda Ballukut.

Në reagimin e tij në rrjete sociale, Këlliçi shprehet se vendimi i Gjykatës Kushtetuese ishte një goditje për kryeministrin Edi Rama. Ndër të tjera shton se ky vendim është një hap më afër drejtësisë.

Reagimi i plotë:

Sot u rrëzua qeveria më e korruptuar në Europë!

Gjykata Kushtetuese nuk ja doli të mbrojë të pandehurën Belinda Balluku, kjo falë reagimit qytetar, falë betejës së pandalshme të Partisë Demokratike dhe falë presionit ndërkombëtar.

Edi Rama mori goditje dhe sot është dhe ai në bankën e të akuzuarve!!!

Pasi bëri çdo përpjekje për të mbrojtur aferat e tij, Kryeministri më i korruptuar në Europë mori mesazhin se autokratët që vjedhin e shtypin popullin e tyre, sado të qëndrojnë me forcë mbi ligjin e parimet, një ditë bien!

Vendimi sot i Kushtetueses, me shumë vonesë dhe nën presion, është një hap më afër drejtësisë.

Tanimë, Edi Ramës i ngelet ta mbrojë të pandehurën nga arrestimi.

Nëse rrëzon me votë në Parlament, kërkesën e SPAK, demokratëve, qytetarëve, të gjithëve ne, na lind detyra të rrëzojmë me çdo mjet Edi Ramën!

Të vendosur, me pasion e me dashuri për Shqipërinë, bashkohemi në 10 shkurt, në Bulevard. /CNA





Lajmet e fundit nga