web counter
LEXO PA REKLAMA!

SHKARKO APP

App Store
Google Play

Thellohet gërryerja pranë shtratit të lumit të Verdovës/ Rrezikohen qytetarët dhe qarkullimi rrugor

6 Shkurt 2026, 16:14, Aktualitet CNA

Gërryerja pranë shtratit të lumit të Verdovës po thellohet me shpejtësi, duke krijuar rrezik të madh për sigurinë e qytetarëve dhe qarkullimin rrugor.

Problemet janë shfaqur jo vetëm në segmentin ku rruga është shembur, por edhe në pjesë të tjera të këtij aksi, duke e bërë situatën të paqëndrueshme. Reshjet e para të muajit dhjetor duket se kanë përshpejtuar dëmtimin e karrexhatës, dhe pamjet e siguruara nga CNA tregojnë qartë gjendjen alarmante të unazës së Pogradecit.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Aktualisht, qarkullimi kryhet vetëm me një korsi përgjatë një segmenti prej rreth 500 metrash, ndërsa themelet e disa mureve rrethuese janë dëmtuar gjithashtu nga përmbytjet dhe gërryerja e vazhdueshme e ujit. Kjo situatë rrezikon jo vetëm infrastrukturën rrugore, por edhe sigurinë e drejtuesve të mjeteve dhe banorëve që jetojnë pranë lumit.

Në momentin kur u vunë re dëmtimet, Bashkia deklaroi se nuk kishte mundësi për të kryer një investim të menjëhershëm, megjithatë dispononte një projekt të gatshëm, i cili do të dërgohej pranë Ministrisë për sigurimin e financimit. Megjithatë, situata e vazhdueshme e gërryerjes tregon se ndërhyrjet emergjente janë të nevojshme për të parandaluar shembje të mëtejshme dhe aksidente të mundshme.

Banorët dhe drejtuesit e mjeteve kërkojnë që autoritetet të veprojnë sa më shpejt për të garantuar qarkullim të sigurt dhe për të shmangur përkeqësimin e gjendjes së rrugës, e cila tashmë është kthyer në një problem serioz për të gjithë qytetin. /CNA





Lajmet e fundit nga