web counter
LEXO PA REKLAMA!

SHKARKO APP

App Store
Google Play

Përmbytje në Himarë/ Bashkia thirrje banorëve: Shmangni lëvizjet

6 Shkurt 2026, 15:34, Aktualitet CNA

Përmbytje në Himarë/ Bashkia thirrje banorëve: Shmangni

Reshjet e shiut me intensitet të lartë që kanë rënë në jug të vendit, veçanërisht në qytetin e Himarës, kanë shkaktuar daljen nga shtrati të përroit që kalon në mes të qytetit. Si pasojë, janë përmbytur rrugë periferike, ndërsa uji ka depërtuar edhe në ambientet e Komisariatit të Policisë Himarë.

Në katin e parë të këtij institucioni ka hyrë ujë, ndërkohë që efektivët e policisë kanë ndërhyrë menjëherë duke ngritur pajisjet nga toka për t’i shpëtuar nga dëmtimi. Situata vijon të mbetet problematike, pasi reshjet kanë qenë intensive dhe të pandërprera.

Bashkia e Himarës u ka bërë thirrje banorëve, që të shmangin çdo lëvizje që nuk është e domodoshme, qoftë me automjete dhe me këmbë, derisa kushtet e motit të përmirësohen.

Njoftimi i bashkisë:

Të nderuar qytetarë, banorë të Himarës dhe fshatrave të saj!

Prej mëngjesit të sotëm, rajoni jonë është përfshirë nga një valë reshjesh me intesitet shumë të lartë, duke shkaktuar vërshime të përrnejve, të cilët kanë dalë nga shtrati duke përmbytur rrugë dhe mjedise të tjera.

Ju bëjmë thirrje që të shmangni çdo lëvizje që nuk është e domodoshme, qoftë me automjete dhe me këmbë.

Qëndroni në mjedise të sigurta derisa kushtet e motit të përmirësohen.

Bashkia dhe çdo punëtor dhe mjet i saj janë në krye të detyrës për të ndikuar në zbutjen e pasojave të motit dhe parandalimin e dëmeve në pronën publike dhe private.

Faleminderit për mirëkuptimin dhe bashkëpunimin! /CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga