web counter
LEXO PA REKLAMA!

SHKARKO APP

App Store
Google Play

E fundit!

x

Përfundojnë punimet në segmentin Librazhd-Prrenjas/ Qarkullimi kryhet normalisht

6 Shkurt 2026, 17:28, Aktualitet CNA

Përfundojnë punimet në segmentin Librazhd-Prrenjas/ Qarkullimi

Autoriteti Rrugor Shqiptar ka njoftuar se kanë përfunduar punimet në segmentin Librazhd-Prrenjas, në fshatin Dragostunjë, pas rënies së një masivi dheu. Në njoftimin e ARRSH bëhet me dije se tashmë qarkullimi kryhet normalisht.

Gjithashtu theksohet kjo ndërhyrje do të rrisë sigurinë rrugore, do të parandalojë rrezikun nga rrëshqitjet apo rëniet e materialeve dhe do të përmirësojë qarkullimin për banorët e zonës dhe përdoruesit e tjerë të këtij aksi kombëtar.

Njoftimi i plotë:

Përfunduan punimet në segmentin Librazhd-Prrenjas, në fshatin Dragostunjë, ku tashmë qarkullimi kryhet normalisht.

Autoritetit Rrugor Shqiptar, pas vlerësimit të situatës së krijuar në këtë segment mori menjëherë masat e nevojshme në terren duke kryer punimet e nevojshme si dhe zgjidhjen e situatës së krijuar.

U bë e mundur heqja e masivit që përbënte rrezik për rënie të pakontrolluar, duke e pastruar të gjithë sipërfaqen rreth saj dhe duke krijuar një skarpatë normale, pa rrezikshmëri për lëvizjen e mjeteve.

Kjo ndërhyrje do të rritë ndjeshëm sigurinë rrugore, do të parandalojë rrezikun nga rrëshqitjet apo rëniet e materialeve/inerte dhe do të përmirësojë qarkullimin për banorët e zonës dhe përdoruesit e tjerë të këtij aksi të rëndësishëm kombëtar.

Falënderojmë drejtuesit e mjeteve dhe përdoruesit e rrugës për mirëkuptimin dhe durimin e treguar gjatë kohës të kryerjes së punimeve. /CNA





Lajmet e fundit nga