E fundit!

19:25 Kronika

Aksident i rëndë në aksin Cërrik-Mollas/ Raportohet për dy viktima

Një aksident i rëndë raportohet se ka ndodhur në aksin Cër...

"Vendimi i Apelit, i drejtë"/ Këlliçi i prerë: Dyshja “Alibasha” nuk mund të jenë pjesë e PD-së

13 Qershor 2024, 21:16, Aktualitet CNA

"Vendimi i Apelit, i drejtë"/ Këlliçi i prerë:

Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi ka deklaruar se vendimin i Gjykatës së Apelit për vulën ishte i drejtë dhe një fakt i njohur botërisht që nga momenti kur nisi debati në PD se ku qëndronte shumica.

Në një dalje televizive, Këlliçi tha se fakti që u deshën 30 muaj për një vendim që merret për një minutë, tregon se sa i kontrolluar është gjyqësori ynë dhe sesa ndikim ka politika mbi gjyqësori.

“Nuk e di se kush mund të priste që Gjykata të vazhdonte çmendurinë që ndoqi për 30 muaj të një fakti që ishte njohur botërisht që nga momenti kur nisi debati në PD se ku qëndronte shumica.

Fakti që u deshën 30 muaj për një vendim që merret për një minutë, tregon se sa i kontrolluar është gjyqësori ynë dhe sesa ndikim ka politika mbi gjyqësorin.

Kjo është vendimmarrje e drejtë, një e drejtë mohuar për thuajse 3 vite nga qeveria dhe gjykatat ndaj opozitës dhe një përpjekje e dështuar për ta lënë vendin pa opozitë.

Ky është një lajm i mirë jo vetëm për PD-në por për të gjithë shqiptarët që opozita është një opozitë e vërtetë, reale e pakapur dhe e pakontrolluar nga kryeministri.

Kjo ka dhënë një kosto të madhe pasi ka tërhequr vëmendjen nga debati që duhet të kemi për keqqeverisjen, korrupsionin”, u shpreh ai.

Më tej Këlliçi është treguar i prerë në lidhje me dyshen Enkelejd Alibeaj dhe Lulzim Basha, duke thënë se nuk mund të jenë pjesë e PD-së.

“Lajmi i mirë që kjo është një çështje e ezauruar dhe e mbyllur, PD-ja ka qenë dhe është një. Unë nuk hyj tek ata që e shohin këtë vendimmarrje me revansh, Partia Demokratike nuk e ka luksin të humbasë asnjë anëtar të saj, për mendimin tim dyshja “AliBasha” nuk mund të jenë pjesë e Partisë Demokratike. I përjashtoj në mënyrë kategorike. Kjo është vendimmarrja ime personale, janë strukturat, Kryesia, Këshilli Kombëtar që do të vendosin hapat e mëtejshëm”, deklaroi Këlliçi./ CNA