web counter
LEXO PA REKLAMA!

SHKARKO APP

App Store
Google Play

E fundit!

x

Emërohet sekretari i ri i Përgjithshëm i RCC për periudhën 2025-2027/ Ja kush do ta pasojë Majlinda Bregun

13 Qershor 2024, 19:57, Aktualitet CNA
Emërohet sekretari i ri i Përgjithshëm i RCC për
Majlinda Bregu

Drejtuesit e Procesit të Bashkëpunimit të Evropës Juglindore (SEECP) vlerësuan punën e Këshillit të Bashkëpunimit Rajonal (RCC) dhe vlerësuan përkushtimin dhe angazhimin e Sekretares së Përgjithshme të tij Majlinda Bregu gjatë mandatit të saj.

Pjesëmarrësit theksuan rolin e RCC në arritjet e Tregut të Përbashkët Rajonal si një hap drejt Tregut të Vetëm të BE-së dhe njohën përparimin e katër marrëveshjeve të lëvizshmërisë të Ballkanit Perëndimor të arritur nën drejtimin e RCC.

Liderët miratuan emërimin e Amer Kapetanovic si Sekretar i ri i Përgjithshëm i RCC-së, duke filluar nga 1 janari 2025. Ministrat e Punëve të Jashtme të SEECP emëruan Kapetanovic në takimin e tyre të mbajtur më herët sot. Kapetanoviç do të pasojë Majlinda Bregun në këtë post cila është Sekretare e Përgjithshme e RCC që nga 1 janari 2019.

Emërohet sekretari i ri i Përgjithshëm i RCC për

"Dua të përgëzoj kolegun tim të nderuar Amer për emërimin dhe t'i uroj atij fat dhe sukses si pasardhësi im në krye të RCC duke filluar nga viti i ardhshëm. Kjo nuk është një punë e lehtë, por gjithsesi është shpërblyese. Duke punuar së bashku  për gati 6 vitet e fundit mund të themi me krenari se RCC dhe bashkëpunimi rajonal dhanë shumë rezultate të rëndësishme për qytetarët e rajonit tonë, por rruga që kemi përpara është ende e gjatë.” tha Sekretarja e Përgjithshme e RCC-së, Majlinda Bregu.

“Ndërsa po vrapojmë më shpejt se koha, ne në RCC po punojmë për një Plan Veprimi të përforcuar për një Treg të Përbashkët Rajonal (CRM) funksional si parakusht për një integrim më të ngushtë e më të shpejt me Tregun Unik të BE-së dhe si një shtyllë e rëndësishme e Planit të Rritjes. Kam besim se kjo fazë e re e Tregut të Përbashkët Rajonal do të mbështesë rritjen e rajonit dhe do të forcojë sigurinë e tij”, shtoi Bregu.

"Bashkëpunimi rajonal nuk duhet të jetë vetëm nënshkrimi i marrëveshjeve; zbatimi i plotë i angazhimeve, si për lirinë e lëvizjes, është i domosdoshëm! Besueshmëria është në rrezik dhe ngërçet dhe bllokimet e vazhdueshme nuk janë më të përballueshme", përfundoi Bregu.

Udhëheqësit e SEECP-së, si dhe ministrat e jashtëm, vlerësuan punën e shkëlqyer të RCC-së, miratuan Raportin Vjetor të organizatës dhe shprehën mirënjohjen për përpjekjet e jashtëzakonshme të Sekretares së Përgjithshme të RCC-së, Majlinda Bregu në drejtimin e RCC-së gjatë pothuajse gjashtë viteve të fundit që profilizuan RCC-në si një partner të domosdoshëm dhe forcë shtytëse të bashkëpunimit rajonal në Evropën Juglindore.

Emërohet sekretari i ri i Përgjithshëm i RCC për

Udhëheqësit e SEEP miratuan Deklaratën që nënvizon përkushtimin ndaj procesit të integrimit evropian, shprehën përkushtimin për sigurinë rajonale dhe avancimin e bashkëpunimit ekonomike dhe lidhshmërisë dhe pranuan rëndësinë e përfshirjes, përkushtimit dhe mbështetjes së RCC në promovimin dhe forcimin e lidhjeve në aspektin politik, ekonomik, social dhe kulturor. Udhëheqësit mbështesin Tregun e Përbashkët Rajonal të koordinuar nga RCC si instrumentin kryesor të integrimit ekonomik brenda Ballkanit Perëndimor dhe njohin sigurinë njerëzore dhe qëndrueshmërinë si prioritetet e reja të Strategjisë së Evropës Juglindore 2030, duke sjellë fokusin në qëndrueshmërinë rajonale.

Sekretari i Përgjithshëm i RCC-së i sapozgjedhur, Amer Kapetanovic ka qenë një diplomat karriere për 25 vitet e fundit, duke shërbyer në pozita të ndryshme diplomatike të rangut të lartë në Bosnje dhe Hercegovinë. Gjatë gjashtë viteve të fundit, ai ka shërbyer si Drejtor Politik i RCC-së. Kapetanovic është gjithashtu autor i disa librave dhe artikujve të shumtë./ CNA





10:19 Aktualitet

Ilir Meta, në SPAK

Kryetari i Partisë së Lirisë, Ilir Meta, është paraqit...

Lajmet e fundit nga