web counter
LEXO PA REKLAMA!

SHKARKO APP

App Store
Google Play

Veliaj e ka etiketuar si dhëndër të PS-së/ Përgjigjet Këlliçi:  I nderuar që sulmohem për këtë arsye

4 Nëntor 2022, 23:01, Aktualitet CNA
Veliaj e ka etiketuar si dhëndër të PS-së/ Përgjigjet
Belind Këlliçi

Kryebashkiaku Erion Veliaj ka etiketuar në disa raste kandidatin e primareve të PD për Tiranën, Belind Këlliçi si dhëndrin e PS-së.

Për këtë është pyetur mbrëmjen e sotme vetë Këlliçi, i cili tha se nuk ndikohet fare nga marrëdhëniet personale në gjykimin tim politik dhe vendimmarrjen time politike.

Kandidati i primareve deklaroi në Syri Tv se i jep një ndjenjë krenarie që sulmet e Veliajt janë për faktin se ka zgjedhur të dashurojë i lire.

“Në garën e brendshme ka 7 vjet kjo histori që më përmendet dhe kush më njeh e di pavarësinë time në vendimmarrje dhe e di sa ndikohem nga këto çështje. Në garën e madhe ndoshta. Por më jep një ndjenjë krenarie që makineria e baltës dhe propagandës së Erion Veliajt që është e pamëshirshme, artikulon faktin pse unë kam zgjedhur të dua i lirë atë që më do zemra. Nuk i bëj askujt biografinë para ndjenjës. PD pikërisht këtë bëri në 1990, luftë për të hequr luftën e klasave, për t'u dhënë pavarësi njerëzve, për t'i bërë të lirë. Unë nuk ndikohem fare nga marrëdhëniet personale në gjykimin tim politik dhe vendimmarrjen time politike.

Nëse Veliaj më shigjeton për ktë arsye, nëse gjen ndonjë lidhje mes qasjes time publike, vendimmarrjes time politike për shkak të marrëdhënies time personale, jam i gatshëm të heq dorë nga gjithçka. I qëndroj me integritet të plotë bindjes time politike. Rrënjët e mia të djathta janë thellë në gjakun tim. E kam medalje nderi faktin që sulmohem për këtë arsye. Për arsye të tjera, korrupsion nuk dëgjoj, sulme të ndryshme nuk dëgjoj. Jam i përgatitur të dëgjoj për veten çudira. Por llogaritë i kam bërë fare thjeshtë, me veten time, me ndërgjegjen time. Një arsye madhore më ka futur në garë, çrrënjosjen e modelit të Veliajt që të bën edhe këto sulme, nga ky individ që pretendon se ka shitur fiq, ka kursyer 500 mln lekë nga pensioni i mamit për të bërë dasmën dhe ende do të jetë në kërkim të Griseldës në Kavajë”, nënvizoi ai./ B.A. – CNA.al





Lajmet e fundit nga