web counter
LEXO PA REKLAMA!

SHKARKO APP

App Store
Google Play

E fundit!

x

“PD, përfundimisht e ndarë”/ Kikia: Palët janë në ring

4 Nëntor 2022, 22:48, Aktualitet CNA
“PD, përfundimisht e ndarë”/ Kikia: Palët janë
Gazetari Mentor Kikia

Për gazetarin Mentor Kikia Partia Demokratike është e ndarë përfundimisht.

Teksa po fliste për zhvillimet e fundit në PD, Kikia tha në emisionin “Log” se tashmë pacienti ka vdekur dhe nuk ka më shërim.

Ai deklaroi se tashmë palët janë në ring dhe s'ka më çfarë të tregohet.

“Ne po flasim të shpëtojmë pacientin, pacienti ka vdekur. PD po luan aktin e fundit të asaj që nisi me Foltoren. Të gjithë e mendonin si një shaka, si një presion, u thellua me dy kongrese, dhe përfundimisht PD-ja është ndarë. Ne themi duhet të tregohen luajalë, të urtë, nuk ka më çfarë të tregohet. Të dyja palët janë në ring. Njëra palë është PD-ja që ka mbështetjen e shumicës së anëtarëve e konfirmuar në më shumë se dy procese zgjedhore.

Në anën tjetër është një grup deputetësh dhe deri tani kjo pala tjetër nuk është se nuk bashkëpunon me PD-në apo me atë PD-në e Berishës, sepse nuk është se kanë ndarje ideologjike, ndarje parimore, thjeshtë ky grupim i deputetëve është grupi anti-Berishë. Këta kanë vetëm një kusht, refuzojnë Berishën për kryetar, për këtë arsye këta janë grupimi që nga ndërkombëtarët konsiderohen PD. Për këta arsye ende nuk është ndarë çështja e simboleve”, theksoi gazetari./ B.A. – CNA.al





Lajmet e fundit nga