web counter
LEXO PA REKLAMA!

SHKARKO APP

App Store
Google Play

E fundit!

x

Myslim Murrizi nxjerr videon kur hajdutët hyjnë në shtëpinë e Arben Krajës/ Mesazh Yuri Kim-it

4 Nëntor 2022, 19:10, Aktualitet CNA
Myslim Murrizi nxjerr videon kur hajdutët hyjnë në
Hajduti në shtëpinë e kreut të SPAK, Arben Kraja

Ish-deputeti Myslim Murrizi ka publikuar pak më parë videon e momentit kur dy hajdutë hyjnë në shtëpinë e kreut të SPAK-ut, Arben Kraja.

Me anë të një statusi në rrjetet sociale, Murrizi i ka bërë thirrje ambasadores Yuri Kim që këtë video t’ja dërgojë Krajës.

Me tone ironike, ai thotë se ndoshta i gjen se kush janë hajdutët me ndihmën e BKH-së apo FBI-së.

Gjithashtu, ish-deputeti kritikon takimin e djeshëm të ambasadores amerikane me kreun e SPAK-ut dhe liston disa pyetje që sipas tij Kim duhet t'ja bëjë Krajës.

Statusi i plotë i Murrizit:

E nderuar Zj. Kim!…

Kur të shkosh javën tjetër për kafe tek hetuesi bastard i komunizmit Arben Kraja, jepja edhe këtë video ku dy hajdutë pa maskë futen dhe i vjedhin vilën në Lalëz.

Jepja që me ndihmën e BKH-së apo FBI-së ishallah i gjen se kush janë deri sa të qërohet si mender shef i SPAK-ut.

Të paktën të mbahet mend që për tre vjet që drejtoi këtë institucion të gjejë hajdutët e vilës së tij.

Se me çfarë parash e ka blerë vilën kur gjithë jetën ka punuar në shtet, atë duhet t’ja gjente vetting, por vettingun e kanë bërë llumi i shoqërisë shqiptare saqë 2 janë të dënuar, 3 nën hetim e të tjerët duhet të ishin të dënuar, por organi që ka drejtuar ky enverist i ka falur si pazar mes njëri-tjetrit.

Për të njejtën gjë që dënohet Luan Daci duhet të dënohej dhe Alma Fasku që ka fshehur shkarkimin si gjyqtare nga KLD në vitin 1996.

Pastaj pasi të pini kafen pyete hetuesin e komunizmit se pse i vjen turp e nuk e ka deklaruar në CV që ka qenë kandidat për deputet i rinisë komuniste në 31 mars 1991.

Po nuk e ke bezdi pyete pak se kur e ka mbaruar fakultetin juridik sepse në CV thotë që e ka mbaruar për 3 vjet 1989-1992 kur gjatë gjithë kohës korrespondeca ka qenë 5 vjet, jo 3 vjet.

Dhe kur të jeni vetëm pa praninë e prokurorëve të tjerë pyete edhe për Arben Luçin vëllain e sportistit Roland Luçi nga Shkodra që ky bastard e ka hetuar për tentativë arratisje në gusht 1990, pasi e kishin kapur në zonë “kufitare” në Vore duke shkuar për në Tiranë, ndërkohë që mbi 5000 shqiptarë ishin brenda ambasadave të vendeve perëndimore.

Por USA nuk kishte ambasadë në atë kohë se nuk e linte komunisti Kraja ngaqë Amerika ishte imperialist dhe armik i partisë së komunist Krajës.

Pyete pse e dhunoi Z. Arben Luçi në hetuesi dhe a ka ndonjë shenjë pendese se turpin nuk e njeh kjo rracë e pistë për konkluzionin e hetimit ku me firmë të Krajes thuhet se Z. Arben Luçi është person me rrezikshmëri të lartë shoqërore dhe element i rrezikshëm anti-parti.

E me firmë të këtij hetuesi xhelat të komunizmit, Z. Arben Luçi u dënua dhe u dërgua në burgun famëkeq të Spaçit.

Nuk ka më turp për këtë “drejtësi” të 32 viteve pas regjimit komunist që organet e reja të saj të kenë në krye fundërrinat e atij regjimi bastard dhe njerëzit me ndyrë të organeve të diktaturës.

Shqiptarët në dhjetor 1990 janë ngritur kundra këtyre plehrave, e ju Zj. Kim nuk ju zë gjumi po nuk pitë një kafe në javë me këta mostra.

A e dini ju Zonjë që regjimi vrastar i këtyre plehrave ka vrarë pa gjyq rreth 7000 shqiptarë vetëm pse i mendonte apo i hamendësonte se ishin pro amerikanë?

A e dini ju Zonjë që regjimi i këtyre xhelatëve që ju promovoni në kupolën e drejtësisë si Kraja, Dvorani, Sadushi, Rakipi, Sheshi, Panda, etj. kanë pushkatuar mbi 1200 shqiptarë në kufi që kërkonin të largoheshin nga Shqipëria drejt perëndimit???

E nëse ju mendoni se këta mostra janë të vetmit që duhen promovuar sepse paratë e reformës dhe ligjet e reformës janë sponzorizuar nga një tjetër kufomë komuniste si Sorosi, ky është më shumë se komunizmi që ngritën këta plehra për 45 vite rresht.

Shqiptarët nuk janë pa vetëdije dhe pa memorje.

Ndaj sa më pak “dashuri” për xhelatët e komunizmit më mirë do t’i bënit vendit që përfaqësoni jo vendit ku keni lindur./ B.A. - CNA.al





Lajmet e fundit nga