web counter
LEXO PA REKLAMA!

SHKARKO APP

App Store
Google Play

E fundit!

x

Miratohet marrëveshja për Portin e Durrësit/ Balluku: Investimi do të jetë 2 miliardë euro

4 Nëntor 2022, 16:52, Aktualitet CNA
Miratohet marrëveshja për Portin e Durrësit/ Balluku: Investimi
Ministrja e Infrastrukturës dhe Energjisë, Belinda Balluku

Këshilli i Ministrave ka miratuar ditën e sotme marrëveshjen me Eagle Hills Real Estate Development, Albanian Seaports Development Company, sh.a. dhe Nshmi Development L.L.C, për projektin e investimit “Marina & Jahtet e Durrësit”.

Në një deklaratë për mediat, ministrja e Infrastrukturës dhe Energjisë, Belinda Balluku tha se me këtë marrëveshje sot Qeveria ka hedhur një tjetër hap me projektin për Portin e ri të Durrësit.

Balluku deklaroi se investimi do të jetë 2 miliardë euro dhe parashikohet të punësojë 12 mijë persona.

Sipas saj, ky port do të transformojë rrënjësisht qytetin e Durrësit dhe do ta çojë turizmin në Shqipëri në një tjetër nivel ndërkombëtar.

"Flitet për një projekt zhvillues dhe për herë të parë Shqipëria është mbajtëse e këtyre aksioneve. 2 miliardë euro do të jetë investimi dhe parashikohet në mënyrë direkte dhe indirekte punësimi i 12 mijë personave. Ky projekt nuk do të ndikojë vetëm në zhvillimin e qytetit të Durrësit por është një projekt që do e kthejë Shqipërinë në hartën globale të turizmit duke e çuar atë në një nivel ndërkombëtar", theksoi ministrja./ B.A. – CNA.al





Lajmet e fundit nga