web counter
LEXO PA REKLAMA!

SHKARKO APP

App Store
Google Play

Terapia hormonale në Shqipëri/ Mjeku: Përfshirja e fëmijëve, skandal dhe e papranueshme

1 Qershor 2026, 08:34, Aktualitet CNA

Terapia hormonale në Shqipëri/ Mjeku: Përfshirja e

Mjeku i njohur Erion Dasho theksoi se terapia hormonale që ka nisur edhe në QSUT nuk duhet të aplikohet për individë nën moshën 18-vjeçare.

Duke folur për "A2 CNN", Dasho tha se është kundër përfshirjes së fëmijëve në trajtime të tilla.

Më tej, Dasho u ndal në tri kritika ndaj zëvendësministres së Shëndetësisë, Eugena Tomini, lidhur me këtë shërbim, duke nënvizuar se nuk duhet të ketë dezinformim publik.

“Për personat mbi moshën 18 vjeç, ligji u njeh të drejtën të marrin vendime për jetën e tyre dhe kjo përfshin edhe identitetin gjinor që dëshirojnë të kenë. Por unë kam kundërshtuar vazhdimisht përfshirjen e fëmijëve në trajtime të tilla dhe në këtë pikë jam i prerë. Zëvendësministrja përmendi disa të pavërteta në daljen e saj.

E para lidhet me çështjen e rimbursimit. Vendimi e përcakton qartë se Fondi i Sigurimit të Detyrueshëm të Kujdesit Shëndetësor është një nga entitetet e ngarkuara për zbatimin e tij. Kjo do të thotë se këto trajtime do të rimbursohen nga fondi. Këtu zëvendësministrja nuk duhet të dezinformojë opinionin publik.

E dyta, ajo nuk përmendi faktin se në udhëzimin që ka miratuar ekziston një paragraf i veçantë për fëmijët dhe për tranzicionin gjinor të tyre në lidhje me trajtimet hormonale. Kjo është një skandal dhe, për mendimin tim, pjesa më e rëndë e gjithë kësaj historie. Pra, fëmijët janë pjesë e udhëzimit dhe kjo është e papranueshme.

Së treti, zëvendësministrja përmendi një tjetër të pavërtetë të madhe kur foli për grupin multidisiplinor. Në këtë udhëzim nuk ka asnjë grup multidisiplinor. Janë vetëm dy mjekë endokrinologë që kanë firmosur si grup pune”,-tha Dasho./CNA

 





Lajmet e fundit nga