web counter
LEXO PA REKLAMA!

SHKARKO APP

App Store
Google Play

Përplasjet në Zvërnec/ Këlliçi: Ajo që ndodhi atje, është ajo që po ndodh në Shqipëri

31 Maj 2026, 15:42, Aktualitet CNA

Përplasjet në Zvërnec/ Këlliçi: Ajo që ndodhi

Deputeti i PD-së, Belind Këlliçi ka bërë një reagim në rrjetet sociale lidhur me përplasjet në protestën e ndodhur ditën e djeshme në Zvërnec.

Këlliçi shkruan se pamjet e transmetuara nga ajo protestë tregonin gjendjen aktuale të Shqipërisë,

Ndër të tjera shprehet se Policia e Shtetit ishte aty duke mos mbrojtur qytetarët por duke ndihmuar ato që ai i quan “klientin e qeverisë”.

Ai shprehet se në podcastin e sotëm, kryeministri Edi Rama e injoroi ngjarjen e rëndë dhe bëri propagandë.

Postimi i plotë:

Kjo video tregon gjendjen e Shqipërisë sot. Dhuna nga civilë të maskuar ndaj një protestuesi në Zvërnec, në prani të Policisë së Shtetit, është panorama reale e vendit tonë.

Të fortët e lidhur me Edi Ramën kanë marrë pronën, nuk bëjnë transparencë dhe dhunojnë qytetarët që ngrenë zërin.

Aty është policia e shtetit që nuk mbron qytetarët por ndihmon klientin e qeverisë. Kthehet në gardë pretoriane për oligarkët dhe kjo nuk është hera e parë që ndodh. Dhe për ta bërë edhe më të plotë pamjen e demokracisë që kemi sot, ky skandal i rëndë nuk u pasqyrua dje në asnjë prej mediave kryesore të vendit. Një censurë e turpshme.

Sikur të mos ishin aktivistët dhe rrjetet sociale, askush nuk do kishte dijeni për dhunën e Zvërnecit. Videot qarkulluan në rrjet si librat e verdhë dikur.

Në monologun e tij sot, Edi Rama e injoroi këtë ngjarje të rëndë, tronditëse, dhe si zakonisht bëri propagandën e neveritshme e të dalë boje për arritjet e Shqipërisë.

Më parë, Kryeministri ishte shprehur në favor të biznesit që ai vetë ka lejuar aty.

Ajo që ndodhi në Zvërnec, është ajo që po ndodh në Shqipëri. Plaçkitje, marrje pasurie, përfitim, për ata që janë afër Edi Ramës dhe mosdhënie informacioni, mospërfillje e dhunë për qytetarët.

Shqipëria që po hap kapituj e po integrohet në BE!!!/ CNA





Lajmet e fundit nga