E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Tensionet mes punonjësve në Aeroportin e Vlorës/ Reagon shoqëria koncesionare

18 Maj 2026, 11:09, Aktualitet CNA

Tensionet mes punonjësve në Aeroportin e Vlorës/ Reagon

Shoqëria koncesionare e Aeroportit të Vlorës (VIA) ka reaguar lidhur me situatën e tensionuar të mëngjesit të sotëm, ku punonjësit e kompanisë “Mabco” nuk janë lejuar të hyjnë brenda ambienteve.

Përplasje në aeroportin e Vlorës/ Punonjësve të "Mabco"-së u ndalohet hyrja në kantier
18 Maj, 09:39

Përmes një reagimi, Shoqëria koncesionare ka ndarë detaje nga ngjarja, duke sqaruar rrethanat.

Bazuar në deklaratë, bllokimi i rrugës nuk ka asnjë lidhje me ndonjë konflikt ndërmjet ortakëve të shoqërisë koncesionare, por vetëm ndërprerje të marrëdhënies kontraktuale me kontraktorin e për kryerjen e punimeve ndërtimore në kuadër të projektit të Aeroportit të Vlorës.

“Në lidhje me bllokimin e rrugës nga disa nënkontraktorë, sqarojmë opinionin publik dhe të gjithë të interesuarit se kjo situatë nuk ka asnjë lidhje me ndonjë konflikt ndërmjet ortakëve të shoqërisë koncesionare.

Çështja në fjalë lidhet ekskluzivisht me një marrëdhënie kontraktuale ndërmjet shoqërisë koncesionare Vlora International Airport VIA dhe një prej kompanive të kontraktuara për kryerjen e punimeve ndërtimore në kuadër të projektit të Aeroportit të Vlorës.

Kontraktori në fjalë ka rezultuar në vonesë të konsiderueshme për përmbushjen e detyrimeve të tij, në shkelje të afateve të përcaktuara kontraktualisht. Për këtë arsye, shoqëria koncesionare ka ndërprerë marrëdhënien kontraktuale me këtë kontraktor, në përputhje me kushtet e kontratës dhe detyrimet përkatëse.

Theksojmë se çdo pretendim apo interpretimet që e lidhë këtë situatë me marrëdhëniet ndërmjet ortakëve është i pavërtetë dhe dezinformues. Kjo është thjeshtë një çështje kontraktuale ndërmjet shoqërisë koncesionare dhe një prej kontraktorëve të shumtë të angazhuar në projekt.

Shoqëria koncesionare mbetet e përkushtuar për vijimin e punimeve dhe realizimin e projektit të Aeroportit të Vlorës në përputhje me standardet, afatet dhe detyrimet kontraktuale”,-sqaron kompania./CNA