web counter
LEXO PA REKLAMA!

SHKARKO APP

App Store
Google Play

E fundit!

x

Tensionet e fundit në Kosovë/ Mesazhi i fortë i Gjergj Lucës: E fitoi betejën me Serbinë

29 Shtator 2023, 12:30, Aktualitet CNA
Tensionet e fundit në Kosovë/ Mesazhi i fortë i Gjergj
Gjergj Luca

Në kuadër të ngjarjeve dhe tensioneve të fundit në veri të Kosovës, ku u sulmua policia dhe mbeti i vrarë polici Afrim Bunjaku dhe u plagosën dy efektivë të tjerë, biznesmeni dhe sipërmarrësi Gjergj Luca ka treguar qëndrimin e tij.

Në një mesazh të fortë, Luca shprehet se Kosova tashmë e ka fituar betejën me Serbinë, duke i treguar vendin terrorizmit dhe duke mbrojtur kufijtë e saj.

Biznesmeni thotë se tani është koha që Kosova të tregojë se është edhe vend i paqes.

Sipërmarrësi Gjergj Luca thekson se sot lufta është me mendje, ndaj Kosova duhet të tregohet e mençur dhe të zgjidhë të ardhmen e saj.

“Lufta ka nevojë për burra të fortë, ndërsa paqja për burra të mençur”, thotë ndër të tjera në mesazhin e tij Gjergj Luca.

“Vetëm sot po shikoja bacën, po shikoja Skënderbeun, po shikoja dhe burrin nga i kam rrënjët unë, Lek Dukagjinin dhe këta dy burrat e parë kanë bërë luftën, edhe ai i treti ka qenë luftëtar, por ai i treti mbahet mend për mendtë. Dhe ai i treti ka shkruar gjithë Kushtetutën ‘defacto’ që gjithë veriu i Shqipërisë, por edhe jugu i zbaton edhe sot e kësaj dite.

Lufta ka nevojë për burra të fortë, por paqja ka nevojë për burra të mençur. Luftën, ata, vëllezërit e shpirtit tonë e kanë fituar, e kanë fituar dhe hallall ua bëftë Zoti, por tani duhet paqja dhe paqja formohet nga burra që e kanë mendjen e fortë dhe nga burra që nuk shohin sot për nesër, por shohin sot për pas 100 vitesh.

Ai burri atje kur e ka shkruar atë legjislacionin e vet shqiptar, kanunin, edhe sot është aktual pas 600 viteve.

Miqt, sot luftën e keni me mend dhe bëhuni të mençur që të zgjidhni të ardhmen e vendit tuaj”, është ky mesazhi i fortë i Gjergj Lucës./CNA





Lajmet e fundit nga