web counter
LEXO PA REKLAMA!

SHKARKO APP

App Store
Google Play

E fundit!

x

"SPAK rrëzoi mitin se të pushtetshmit nuk hetohen"/ The Washington Post: Kurajo për të ushtruar llogardhënien përmes ligjit

20 Nëntor 2025, 17:49, Aktualitet CNA

"SPAK rrëzoi mitin se të pushtetshmit nuk hetohen"/ The

Gazeta amerikane “The Washington Post” i ka dedikuar një artikull Strukturës së Posaçme kundër Korrupsionit dhe Krimit të Organizuar dhe luftës së këtij institucioni kundër korrupsionit duke sjellë dhe rastin e arrestimit të kryebashkiakut të Tiranës, Erion Veliaj.

“The Washington Post” ka cituar drejtuesit e Institutit të Studimeve Politike, Afrim Krasniqi për vlerësimin e punës së këtij institucioni.

Krasniqi shprehet se SPAK është institucioni shqiptar më i besueshëm në publik më shumë se Parlamenti, Qeveria dhe sistemi gjyqësor në tërësi.

"SPAK rrëzoi mitin se të pushtetshmit nuk hetohen"/ The

Për Krasniqin puna e SPAK lidhet me cilësinë e drejtësisë që jep dhe faktin se rrëzon mitin se të pushtetshmit nuk hetohen dhe tregon për kuarjon e institucionit për të ushtruar llogaridhënie përmes ligjit.

 

" Një nga gazetat më të njohura amerikane, The Washington Post, një artikull sot për Shqipërinë lidhur me korrupsionin, SPAK dhe rastin e kryetarit të bashkisë Tiranë dhe sfidat e integrimit. Me cilësinë e ekspertit dhe drejtuesit e Institutit të Studimeve Politike (ISP) që ndjek procesin, jam cituar në vlerësimin se SPAK është arritja e vetme e dukshme e reformave në Shqipëri në raport me procesin e integrimit dhe njëherësh një nga strukturat e pakta që nuk është nën ndikim politik dhe qeveritar.

Pavarësisht se është instrument i krijuar nga SHBA dhe BE, mendoj se SPAK është edhe institucioni shqiptar më i besueshëm në publik, shumëfish më shumë sesa parlamenti, qeveria, partitë politike apo sistemi gjyqësor në tërësi. Suksesi i SPAK nuk lidhet me statistikat, numrin e akuzave apo cilësinë e drejtësisë që ofron, por me mesazhin se i dha fund pandërshkrueshmërisë dhe po rrëzn mitin se të pushtetshmit nuk hetohen. Hera e parë në historinë tonë që zyrtarët më të lartë drejtues janë nën hetime ose akuza për korrupsion, tregues sa i nivelit të lartë të korrupsionit, aq edhe i kurajos së SPAK për të ushtruar llogardhënien përmes ligjit". shkruan Krasniqi./CNA

 





Lajmet e fundit nga