web counter
LEXO PA REKLAMA!

SHKARKO APP

App Store
Google Play

E fundit!

x

Raporti i FMN-së: Monitorimi i shtuar i administratës, në përfitim të përpjekjeve kundër korrupsionit

20 Nëntor 2025, 15:36, Aktualitet CNA

Raporti i FMN-së: Monitorimi i shtuar i administratës, në

Ekipi i Fondit Monetar Ndërkombëtar për Shqipërinë ka mbajtur misionin e përvitshëm në kuadër të Nenit IV në Tiranë në datat 4-14 nëntor.

Një nga pikat, në deklaratën përfundimtare të Misionit të FMN-së, është politika për nxitjen e produktivitetit për të rritur përfitimet nga integrimi në BE.  

Sipas raportit, një sërë reformash gjithëpërfshirëse që rrisin produktivitetin, do të jenë çelësi për një rritje të qëndrueshme.

FMN thekson se prodhimi për orë pune në Shqipëri është nën mesataren e BE-së, me pak përmirësim gjatë dekadës së fundit. Ndërsa emigrimi mund të rritet më tej me anëtarësimin në BE.

Kjo rrezikon rrezikon të thellojë mungesat e fuqisë punëtore. Ndërsa shkalla e papunësisë ka arritur në një nivel historik të ulët, shkalla e të rinjve që nuk janë në punësim, arsim ose trajnim (NEET) mbetet e lartë, e nxitur nga informaliteti dhe pengesat për hyrjen në tregun e punës.

“Boshllëqet e vazhdueshme në arsim dhe trajnim, investimet e kufizuara në kërkim dhe zhvillim, sfidat e qeverisjes dhe një  fushë loje jo e barabartë mund të dekurajojnë investimet e huaja të nevojshme për diversifikim dhe zhvillim industrial.

Përmirësimi i aftësive përmes një mbulimi më të gjerë të trajnimeve dhe cilësisë në arsim. Forcimi i mjeteve digjitale dhe zhvillimi i mësuesve do të përmirësonte rezultatet e të nxënit. Zgjerimi i kurrikulave STEM, ndërkohë që përshpejtohet trajnimi profesional dhe  skema e Garancisë Rinore, do të sillte rritje të aftësive dhe punësimin.

Masat plotësuese për të ulur informalitetin, për të rritur zbatueshmërinë e legjislacionit të punës, për të siguruar mbulim më të gjerë të politikave aktive të tregut të punës dhe për të përmirësuar aksesin në kujdesin ndaj fëmijëve, do të rrisin pjesëmarrjen dhe do të krijojnë punësim formal.

Zbatimi i këtyre programeve do të kërkojë burime të mjaftueshme financiare dhe përmirësime të qëndrueshme në kapacitetet administrative”, thuhet në raport.

Rritja e produktivitetit të firmave dhe krijimi i vendeve cilësore të punës.

Sipas FMN-së, reformat duhet të synojnë përmirësimin e klimës së biznesit, uljen e burokracisë, sigurimin e një fushëloje të barabartë përmes një autoriteti konkurrence të pajisur me burime dhe të fuqizuar në mënyrë të përshtatshme, promovimin e investimeve në kërkim dhe zhvillim dhe adoptimin e teknologjive të reja. Kjo është edhe më e rëndësishme në kushtet e një vlerësimi të qëndrueshëm të kursit të këmbimit dhe rritjes së pagave, duke përfshirë edhe rritjet e pagës minimale, të cilat pa rritje të produktivitetit do të dëmtojnë konkurrueshmërinë.

Përmirësimi i mjedisit të biznesit përmes reformave të mëtejshme të qeverisjes.

Më tej raporti thekson se autoritetet duhet t’u japin përparësi emërimeve në kohë të bazuara në meritë dhe të paanshme në organet e pavarura mbikëqyrëse, të përshpejtojnë digjitalizimin e procedurave gjyqësore dhe të zgjerojnë aksesin publik në informacionin gjyqësor.

Një legjislacion më i fortë parandalues dhe një monitorim i shtuar i administratës publike do të ishte në përfitim të përpjekjeve kundër korrupsionit. Ruajtja e pavarësisë operacionale të Strukturës së Posaçme Kundër Korrupsionit dhe Krimit të Organizuar (SPAK) dhe sigurimi i burimeve të mjaftueshme mbeten kritike për të ruajtur progresin në rastet e korrupsionit të nivelit të lartë.

“Autoritetet duhet t'i japin përparësi emërimeve në kohë, të bazuara në meritë dhe të paanshme në organet e pavarura mbikëqyrëse, të përshpejtojnë digjitalizimin e procedurave gjyqësore dhe të zgjerojnë aksesin publik në informacionin gjyqësor.

Një legjislacion më i fortë parandalues dhe një monitorim i shtuar i administratës publike do të ishte në përfitim të përpjekjeve kundër korrupsionit. Ruajtja e pavarësisë operacionale të Strukturës së Posaçme Kundër Korrupsionit dhe Krimit të Organizuar (SPAK) dhe sigurimi i burimeve të mjaftueshme mbeten kritike për të ruajtur progresin në rastet e korrupsionit të nivelit të lartë”, thuhet në raport./ CNA





Lajmet e fundit nga