web counter
LEXO PA REKLAMA!

SHKARKO APP

App Store
Google Play

E fundit!

x

Reshjet intensive në vend/ Ja si paraqitet situata në 5 bashki të Qarkut Shkodër

20 Nëntor 2025, 14:41, Aktualitet CNA

Reshjet intensive në vend/ Ja si paraqitet situata në 5 bashki

Në territorin e Qarkut Shkodër vijojnë reshjet e shiut me intensitet mesatar dhe herë pas here të alternuara reshje me intensitet të lartë.

Sipas raportimeve të strukturave, situata në Qarkun Shkodër paraqitet si më poshtë:

Bashkia Shkodër:

Vazhdon puna në segmentin Nderlysaj–Breg Lumi, ku aktualisht po ndërhyhet nga forcat e Batalionit të Xhenios me një fadromë, si dhe me dy mjete të tjera të bashkisë, konkretisht dy ekskavatorë.

Për shkak të volumit të madh të inerteve dhe madhësisë së konsiderueshme të gurëve, ndërhyrja me burime njerëzore në terren është e pamundur, duke kërkuar përdorimin e mjeteve të rënda për zhbllokimin dhe pastrimin e zonës.

Bashkia Fushë-Arrëz:

Situata paraqitet më problematike në Njësinë Administrative Qafë-Mali, ku janë evidentuar dëmtime të segmenteve rrugore rurale si pasojë e shkarjes së dherave dhe rënies së gurëve.

Situata ka krijuar vështirësi në qarkullimin e automjeteve për shkak të prezencës se inerteve në rrugë.

Bashkia Malësi e Madhe:

Është konstatuar rritje e prurjeve të përroit të Thatë.

Bashkia Pukë dhe Vau i Dejës:

Situata paraqitet e qetë dhe pa probleme./CNA





Lajmet e fundit nga