web counter
LEXO PA REKLAMA!

SHKARKO APP

App Store
Google Play

E fundit!

x

Dumani takime me përfaqësues të lartë të BE dhe OLAF/ Gonzato: Bashkimi Europian, mbështetje në luftën kundër krimit dhe korrupsionit

20 Nëntor 2025, 16:37, Aktualitet CNA

Dumani takime me përfaqësues të lartë të BE dhe OLAF/

Kreu i SPAK Altin Dumani ka zhvilluar një vizitë dyditore në Bruksel ku zhvilloi takime me zyrtarë të lartë të BE-së dhe përfaqësues të OLAF.

Në njoftimin e Zyrës së BE-së në Tiranë deklarohet se vizita dëshmon për arritjet e SPAK-ut në luftën kundër korrupsionit dhe krimit të organizuar. Gjatë kësaj vizite pjesëmarrësit vlerësuan punën e SPAK, qëndrueshmërinë e tij dhe besueshmërinë e SPAK tek agjencitë europiane.

 

"Vizitë shumë e mirë dyditore në Bruksel e Kryeprokurorit të Posaçëm të Shqipërisë, Altin Dumani, i cili u takua me zyrtarë të lartë të BE-së: Gert Jan Koopman, Drejtor i Përgjithshëm i DG NEAR; Salla Saastamoinen, Drejtoreshë në detyrë e Përgjithshme në OLAF; Irena Moozová, Zëvendësdrejtoreshë e Përgjithshme e DG JUST; Marko Makovec, Shef i Kabinetit të Komisioneres për Zgjerimin Marta Kos dhe Alexander Ëinterstein, Shef i Kabinetit të Komisionerit për Punët e Brendshme dhe Migracionin, Magnus Brunner.

Vizita dëshmon për arritjet e SPAK-ut në luftën kundër korrupsionit dhe krimit të organizuar. Të gjithë bashkëbiseduesit vlerësuan forcën, qëndrueshmërinë dhe besueshmërinë e SPAK-ut, si dhe bashkëpunimin e tij të ngushtë me agjencitë e BE-së, vendet anëtare dhe partnerët e tjerë ndërkombëtarë".

BE konfirmon mbështetjen për Strukturën e Posaçme në luftën kundër krimit të organizuar dhe korrupsionit në nivele të larta edhe për vitin 2026 vit kur ky institucion do të ketë një drejtim të ri.

"Ambasadori Silvio Gonzato: “BE-ja ka qenë dhe do të mbetet një mbështetëse e fortë e SPAK-ut në luftën kundër krimit të organizuar, korrupsionit të nivelit të lartë dhe mashtrimit, si dhe në mbrojtjen e interesave financiare të BE-së. Ruajtja e rezultateve solide të SPAK-ut edhe nën drejtimin e tij të ri në vitin 2026 e më tej do të jetë kyçe për vazhdimin e progresit të Shqipërisë drejt anëtarësimit në BE. Kjo është e rëndësishme për sigurinë e Shqipërisë dhe të BE-së dhe për forcimin e sundimit të ligjit. SPAK-u nuk mund ta bëjë këtë i vetëm. Edhe institucionet e tjera shqiptare duhet të bëjnë pjesën e tyre.”/CNA

 

 

 

 





Lajmet e fundit nga