web counter
LEXO PA REKLAMA!

SHKARKO APP

App Store
Google Play

Sotiraq Filo uron besimtarët për Krishtlindje: Ditë e shënuar

25 Dhjetor 2025, 13:45, Aktualitet CNA

Sotiraq Filo uron besimtarët për Krishtlindje: Ditë e

Kryetari i Bashkisë së Korçës, Sotiraq Filo, ka përcjellë një mesazh urimi me rastin e festës së Krishtlindjes, duke theksuar rëndësinë dhe simbolikën e kësaj dite për besimtarët e krishterë dhe për shoqërinë në tërësi.

Në mesazhin e tij, Filo u shpreh se Krishtlindja nuk është një ditë e zakonshme, por një festë që simbolizon lindjen e shpresës dhe besimit për ditë më të mira, paqe dhe harmoni. Ai theksoi se kjo ditë ka një domethënie të veçantë për të gjithë besimtarët e krishterë të Korçës dhe të gjithë Shqipërisë.

“Lindja e Krishtit simbolizon shpresën, besimin dhe dëshirën për paqe e bashkëjetesë,” u shpreh Filo, duke uruar jo vetëm besimtarët e krishterë, por të gjithë banorët e qytetit dhe bashkisë së Korçës.

Në përfundim, kryebashkiaku uroi shëndet, mbarësi, paqe dhe fat në familjet e të gjithë qytetarëve, duke i uruar atyre “Gëzuar festën e Krishtlindjes”.

"Sot është një ditë e shënuar për të gjithë besimtarët e krishterë të Korçës dhe gjithë Shqipërisë. Dita e Krishtlindjes ka simbolika shumë të fuqishme brenda saj. Nuk është një ditë e zakonshme, lindja e Krishtit simbolizon lindjen e shpresës dhe besimit për ditë më të mira, për paqe, harmoni. Prandaj në këtë ditë kaq të veçantë dëshiroj tju uroj të gjithë besimtarëve të krishterë por edhe të gjithë banorëve të qytetit dhe bashkisë së Korçës, gëzuar festën e Krishtlindjes, fat, paqe, mbarësi e shëndet në familjet tuaja. Gëzuar!"/ CNA





Lajmet e fundit nga